Жогорку Сот бүгүн "Республика-Ата Журт" тизмеден чыгарып салган талапкерлердин даттануусун карайт

Бүгүн, 22-октябрда Жогорку Сот "Республика-Ата Журт" партиясы тизмеден чыгарып салган талапкерлердин даттануусун карайт. Жалпы 8 талапкер тизмеден чыгуу тууралуу арызга кол коюшпаганын билдирип, мыйзамдуулукту талап кылып, 18-октябрда Бишкектин Биринчи Май райондук сотуна арыз менен кайрылышкан. Сот алардын арызын канааттандырган эмес. Ал эми партия "өздөрү арыз жазышты" деп жалпы 70 талапкерин тизмеден чыгарууну БШКга сунуштап, БШК кабыл алган чечим менен талапкерлер тизмеден чыгарылган.

Автор: Жамалидин Парманкулов