Кылмышкерди кармоодо учурунда каза болгон ИИМдин атайын отрядынын жоокери Төлөбек Исмаиловдун артында үч баласы калды

22-октябрь күнү кечинде Достук конушундагы кылмышкерди кармоо учурунда ИИМдин атайын отрядынын жоокери Төлөбек Исмаилов каза болду. Бул тууралуу ИИМдин басма сөз кызматы билдирди.

Милициянын капитаны Исмаилов Төлөбек Эсенбекович 1978-жылы Нарын облусунда туулган. Ал ички иштер органдарында 14 жылдан ашык кызмат кылып, 2006-жылы Эрдик медалын алган. ИИМдин жана УКМКнын сыйлыктарын жана башка 34 сыйлык алган. Кылмышкерлерди кармоо боюнча бир нече операцияга катышкан. Акыркы учурда тоолуу аймактагы жана альпинисттик даярдык боюнча ага инспектор-инструктор болуп иштеп жаткан. Үй-бүлөлүү, үч баласы бар.

Эске салсак, 12-октябрга караган түнү Төмөнкү-Нооруз айылында жайгашкан №50-абактан жалпы 9 адам качып чыккан. Абактан качкан кылмышкердин колунан Жаза аткаруу мамлекеттик кызматынын кызматкерлери Таалайбек Өмүрзаков, Туратбек Садыбакасов, Орозбек уулу Фархат ошол күнү каза болушса, оор жаракат алган Тилек Абылгазиев ооруканада өзүнө келбей жатып жан берген.

Качып чыккан кылмышкерлердин бешөөсү ошол эле түнү МАИ кызматкерлери тарабынан колго түшүрүлгөн. Кармалгандардын арасынан үч кылмышкер: Муратбек Жумалиев, Таалайбек Жуманов жана Бакыт Кенжегулов жүрөк оорусу, дем алуу органдарынын жабыркашынан жана баш сөөгүнөн алган жаракатынан түрмөдө каза болушту.

Качып чыгып издөөдө жүргөн Данияр Кадыралиев Дордой конушунда 16-октябрда, 28 жаштагы Азамат Мусуралиев 20-октябрда Сокулукта өлтүрүлгөн. Издөөдө жүргөн кылмышкерлердин бири Эдил Абдрахмановду 22-октябрда кармоо учурунда анын бутуна ок тийген эле. Ага Чүй облустук ооруканасында операция жасалды.

Кечээ милицияга Достук конушундагы үйлөрдүн биринде Алтынбек Итибаевдин жашынып турганы тууралуу маалымат түшкөн. А.Итибаевди кармоо операциясы жүрүп жатканда ИИМдин атайын отрядынын жоокери жана башка эки тургун каза болгон.

Автор: Айпери Ганыжан кызы

08:48 23-10-2015

Жазылуу

РУБРИКАДАГЫ СОҢКУ КАБАРЛАР

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 802 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 579 0

18:30 2024-05-19 | Саясат

Акылбек Жапаров Кочкорго барды (фото) 253 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 1202 0

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 1235 0

14:15 2024-05-19 | Коом жана турмуш

Бишкекте "ONE RUN-2024" эл аралык жарым марафону өттү (видео) 307 0

Архив

Комментарийлер (26)

AshatMJ89

2015-10-23 09:26:23

Кыргыздын чыныгы уулу!Арабдардын кулуна караганда татыктуу ажал тапты.

-2

Geroy

2015-10-23 09:26:41

Мамлекет учун жарыбаган айлыкка куну-туну иштеп келгендер отуп, эми ушулардын апасы балдары ыйлашса болот. Жаткан жери жайлуу болсун. Эртеенки кун учун ушул адардар иштер келишкен.

Sake80

2015-10-23 09:39:31

Жаткан жери жайлуу болсун алахым бейишинен жай берсин.Жанакы кылмышкерлерди коргоп аткандар ушуларды окуганда тымпыйып каякта журушот.Ушулар олсо боло берет дешип унчугушпайт.Каяктагы кылмышкер олсо Эдил Байсаловго кошулуп укугун коргой калышат

incognito1

2015-10-23 10:47:12

Sake80, алар тымпыйып дагы эле Алтынбек Итибаев бейишке чыкса экен деп, кудайдан тилеп отурушса керек. Каяктагы отморозкаларга жан тартышып, аларга аябай кейишти эле. Бул байкуштун жакындарына куйгон эч ким жок! Арты кайрылуу болсун!

Take_men

2015-10-23 10:55:22

incognito1, кошулам. Кайда жоголушту жанагы качып кетишсин кармалбай деп жан тарткан комментчилер

AnarRazakovich

2015-10-23 10:50:51

Sake80, эн туура айтасыз. Толойкан, Эдилдер ушул кызматкерди коргоп чыгаар бекен, коройлучу.

aytkulova

2015-10-23 09:41:53

Жайы жанаттан болсун, жакындарына сабыр берсин. Чыныгы кыргыз жигити деп ушуну айтса болот, канкор кылмышкерлердин айынан каза тапканына ичин ачышат((.

aikol87

2015-10-23 09:43:19

Жаткан жери жайлуу болсун.Итибаев менен дагы 2,Адам болушу мумкун деп аттылего алары эмне болду качып кетиштиби толук маалымат билип бергилечи.

Janusia

2015-10-23 10:24:32

Жаткан жери жайлуу, топурагы торко болсун.

ufc123456

2015-10-23 10:48:22

Elge jaman korunup birolorgo jakwy korunup bironun omuru uchun kurowup jurup algan ailygy 10.som eldin omuru uchun jaw turun olup emne dewimdi bilbeim jatkan Jeri jailuu bolsun ee allah

AnarRazakovich

2015-10-23 10:51:43

Арты кайырлуу болсун!

amanatym

2015-10-23 11:12:39

Жакынын жоготкон кандай жаман, артында жаш балдары, ата энеси калды да...журогум ооруп кетти((( жакындарыбыз аман болсунчу ушундай жаман окуялар болбосунчу олкобуздо.

bulak

2015-10-23 11:24:40

Жаткан жери жайлуу болсун. Калган омурун балдарына берсин.

zhykyo

2015-10-23 11:35:16

Жакындарына сабыр окунучтуу кечекинин баары жокко кумга сингендей тангалыштуу я я

aibo_85

2015-10-23 11:45:57

Кыргыздын чыныгы эр жигити экен, жаткан жери жайлуу болсун. Дагы эки кылмышкер бар деп жатышты эле, алардын дайыны жок го.

jelmoguzka.

2015-10-23 15:57:40

Жаткан жери жайлуу болсун кыргыздын чыгаан жоокеринин.

Aimeerimka

2015-10-23 19:45:50

Байкуш жаткан жери жайлуу болуп бейиштин торунон орун алсын.Балдарына туугандарына сабырдуулук кайрат кылыныздар.

sale-81

2015-10-26 02:25:32

Жаткан жери жайлуу болсун, жакшы адамдар аз жашайт деп койот экенго

Комментарий калтыруу үчүн өз ысымыңыз менен кириңиз же каттоодон өтүңүз.