Кубанычбек Исабеков: "20 күндөн бери мени интернетте жамандап, сөгүп жатышат"

"20 күндөн бери мени интернет-сайттарда жамандап, сөгүп жатышат",- деди бүгүн, 23-октябрда маалымат жыйындын жүрүшүндө Жогорку Кеңештин мурунку вице-спикери Кубанычбек Исабеков.

Анын айтымында, мындай кемсинтүү быйылкы жылдын 27-сентябрында Бишкектеги Жукеев-Пудовкин жана Аалы Токомбаев көчөлөрүнүн кесилишинде орун алган унаа кырсыгынан кийин башталды.

"Унаа кырсыгы болгон күнү Мерседес үлгүсүндөгү унаада айдоочу Данияр Жумабеков жана жүргүнчү Кристина Бондаренко болгон. Ал эми Тойота Хайлендер унаасында жубайым, жээним, 3 жашар балам жана 2 айлык кызым жана мен болгонмун. Биз арак ичип жинди болбой эле, жакшынакай баратканбыз. Анан аталган Мерседес менен кагылышып кеткенбиз. Ошол жерге келген "Тез жардам" кызматы жана милиция кызматкери балам экөөбүз начар абалда болгонубузду көрүшкөн. Ал эми Жумабеков менен Бондаренко медициналык жардамдан баш тартышкан",- деди Исабеков.

"Мерседестин айдоочусу саатына 67 чакырым ылдамдык менен жүргөнү белгилүү болду. Жол кырсыгынан улам биз бүгүнкү күнгө чейин дарыланып жатабыз. Ал эми Мерседестин жүргүнчүлөрү кырсык болгон күнү ооруканага кайрылышкан эмес, бирок алты күндөн кийин "жабыркадык" деп жатып алышыптыр. Эми экинчи тараптын унаасы оңдолууга мүмкүн болбой калгандыгы үчүн "жаңы унаа алып бергиле" деп мага талап коюп жатат.

Буга мен макул болбогон соң, интернет-сайттары аркылуу мени жана үй-бүлөмдү жамандап жатат. Мерседестин айдоочусу туугандарымды каралаган "компромат" чогултуп, бизди шантаж кылганы жаткан экен. Мен туугандарым менен сыймыктанам. Алар эч кандай коррупция же кылмыш иштерине барган эмес",- деди Исабеков.

Автор: Наргиза Бекжанова
Фото: Наргиза Бекжанова

13:58 23-10-2015

Жазылуу

РУБРИКАДАГЫ СОҢКУ КАБАРЛАР

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 902 0

14:15 2024-05-19 | Коом жана турмуш

Бишкекте "ONE RUN-2024" эл аралык жарым марафону өттү (видео) 234 0

13:41 2024-05-19 | Саясат

Өзгөчө кырдаалдар министрлиги шашылыш кайрылуу жасады 1664 0

13:26 2024-05-19 | Маданият, шоу-бизнес

Ырчы Кызсайкал Кабылова көз жарды 2537 0

12:22 2024-05-19 | Кылмыштар, кырсыктар

Жыргалаң суусуна 7 жана 8 жаштагы эки кыз түшүп кетти 1102 0

11:48 2024-05-19 | Түркүн дүйнө

Пакистанга Бишкекте окуган студенттер отурган учак конду 2732 0

Архив

Комментарийлер (4)

Rashinboy

2015-10-23 14:05:07

Ай кайран эр, атын угулбай, дымын чыкпай калды эле, пайда болупсун да. "Эй элдер, мени унутпай жургуло"- дегенин го ээ?

Nurbol

2015-10-23 14:28:15

Ушунун озу шантаж эмеспи

nur0077

2015-10-23 14:35:23

Жол эрежесин так сактап айдабайбы?кимдики эн башкы жол экенин интернеттен коргомун.канча ылдам айдабасын,жол мерстики болчу.Эмнеге чыга калат Хайландер.мас болбосо жол эрежесин ото так сактап айдаш керек да.куроздуко салып,демите бербей.

Aviator

2015-10-24 10:03:23

ким билет. кырсык каш менен кабактын ортосунда.

Комментарий калтыруу үчүн өз ысымыңыз менен кириңиз же каттоодон өтүңүз.