Аманбай Кайыпов Бишкек-Нарын-Торугарт автоунаа жолунун кемчиликтерин жоюу үчүн курулуш компаниясына 3 күн убакыт берди

Бүгүн, 23-октябрда өкмөттүн Нарын облусундагы ыйгарым укуктуу өкүлү Аманбай Кайыпов Бишкек-Нарын-Торугарт автоунаа жолунун кемчиликтерин жоюу үчүн курулуш компаниясына 3 күн убакыт берди. Бул тууралуу өкүлдүн басма сөз катчысы билдирди. Маалым болгондой, Кайыпов «Копри Синогидро» компаниясынын өкүлдөрү менен жолугуп, Бишкек-Нарын-Торугарт автоунаа жолунун 272-365-чакырымында жасалып жаткан реабилитациялык иштер менен таанышты.

Кайыпов аткарылып жаткан иштер сапатсыз жана белгиленген мөөнөттө бүткөрүлбөй жаткандыгын баса белгиледи. «Жыл башынан бери эл аралык консультанттар менен бирге бир нече ирет жолдун жасалышын карап чыкканбыз. Аныкталган кемчиликтерди жоюу боюнча сиздерге бир катар көрсөтмөлөр берилген. Жолдун сапатсыздыгы сокур адамга деле билинип жатат. Андан тышкары айдоочулардын коопсуздугун алдын алууда оңдолуп жаткан аймактарда атайын жол белгилери, жол жээктерине парапеттер коюлушу керек эле, эмдигиче жок»,- деди облус башчы.

Кайыпов кетирилген кемчиликтерди жоюу боюнча аткаруучу тарапка 3 күн убакыт берип, аткарылбаган учурда премьер-министрге билдирүү жасап, аталган фирманын ишмердүүлүгүн токтотуу маселесин коё турганын айтты.

Автор: Наргиза Бекжанова

16:53 23-10-2015

Жазылуу

РУБРИКАДАГЫ СОҢКУ КАБАРЛАР

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 902 0

14:15 2024-05-19 | Коом жана турмуш

Бишкекте "ONE RUN-2024" эл аралык жарым марафону өттү (видео) 234 0

13:41 2024-05-19 | Саясат

Өзгөчө кырдаалдар министрлиги шашылыш кайрылуу жасады 1664 0

13:26 2024-05-19 | Маданият, шоу-бизнес

Ырчы Кызсайкал Кабылова көз жарды 2537 0

12:22 2024-05-19 | Кылмыштар, кырсыктар

Жыргалаң суусуна 7 жана 8 жаштагы эки кыз түшүп кетти 1102 0

11:48 2024-05-19 | Түркүн дүйнө

Пакистанга Бишкекте окуган студенттер отурган учак конду 2732 0

Архив

Комментарийлер (3)

Rifle

2015-10-23 17:00:57

Жакшы, жёстко караш керек сапатын. 20.10.15 куну ошол жолдон авария болуп келишти. Эртен бироосуно операция пландалып жатат.

asdf

2015-10-23 17:22:15

Бул жер Долон го ээ
жакшылап жазабаса кар жааса машыналар муз тээп кетишет го

meka93

2015-10-24 00:37:37

Жакшылап жасагыла, жазаганга жараша, жасай албасан башка фирмага откоруп бергиле да.. Бизге да сапаттуу жол керек, жолдо жургондо сарысанаага батпай....

Комментарий калтыруу үчүн өз ысымыңыз менен кириңиз же каттоодон өтүңүз.