Ош. 20дан ашык улуттун өкүлдөрү билим алган мектепте ынтымакты чыңдоо максатында иш-чара уюштурулду

Ош шаарындагы №7-мектеп-гимназиясында “Достук - ынтымактын булагы” аттуу мугалимдер үчүн иш-чара өтүп, концерттик программа менен коштолду. Анда түрдүү улуттардын маданияты камтылган ыр-бийлер тартууланды. Бул тууралуу Ош шаардык билим берүү башкармалыгынан кабарлашты.

Маалыматка ылайык, иш-чара окуучулар арасындагы улуттар аралык мамилени өркүндөтүп, достукту, ынтымактыкты чыңдоо максатында уюштурулду. Бул мектеп Ош шаарындагы эң көп улуттуу мектептердин бири. Анда 20дан ашык улуттун өкүлдөрү билим алышат.

Автор: Максат Кудайбердиев