Ошто Баткен окуясында курман болгондор эскерилип, алардын жакындарына эстелик медалдары тапшырылды (фото)

Ош шаарындагы Токтогул атындагы сейил багында 24-октябрь күнү Баткен окуясынын 15 жылдыгына карата Баткен окуясында курман болгондорду эскерүү иш-чарасы өттү. Ош мэриясынан билдиришкендей, алгач курман болгондорго 1 мүнөттүк аза күтүлүп, андан соң алар үчүн тургузулган эстеликке гүлчамбар коюлду. Иш-чарага Ош шаарынын вице-мэри Замирбек Аскаров, Коргоо министрлигинин аскер бөлүктөрүнүн жетекчилери, ардагерлер жана курман болгондордун үй-бүлөлөрү катышты.

Жыйынтыгында ардагерлерге жана курман болгондордун үй-бүлөлөрүнө эстелик медалдар жана Ардак баракчалар тапшырылды.

Учурда Ош шаарында Баткен окуясына катышкан 300 ардагер жашайт.

Автор: Жамалидин Парманкулов