Бишкекте 9 айда ата-энелик милдетин тиешелүү деңгээлде аткарбагандарга 31 миң сом айып пул салынды. Муну бүгүн, 26-октябрда Бишкек шаардык мэриясынын басма сөз кызматынан билдиришти.
Маалым болгондой, Социалдык өнүгүү башкармалыгынын балдар боюнча иш алып барган комиссиясы жыл башынан бери 87 жыйын өткөрдү. Анын алкагында 775 иш каралган. Натыйжада 299 наристе реабилитациялык борборлорго которулса, 17 бала адистештирилген балдар үйлөрүнө жөнөтүлгөн. Мындан тышкары 209 бала интернат тибиндеги мекемелерден чыгарылган. 327 үй-бүлө үчүн жеке иштөө боюнча пландар түзүлгөн жана 88 баланы коргоо боюнча алдыда иш-аракеттер көрүлгөн.