Ишкер: “Мамлекет ата мекендик ишкерлерге колдоо көрсөтпөсө, эртең өлкөбүз ЕАЭБдин катардагы аймагына айланат”

ишкер Уран Ниязалиев

“Мамлекет ата мекендик ишкерлерди бутка тургузуп көбөйтпөсө, эртең өлкөбүз Евразиялык экономикалык биримдиктин катардагы аймагына айланат",- деген пикирин 5-ноябрда тегерек столдун жүрүшүндө ишкер Уран Ниязалиев билдирди.

Анын айтымында, өлкө Евразиялык экономикалык биримдикке кирген соң, жергиликтүү ишкерлердин 15-20 пайызы гана мындан ары кантип иштөөнү өздөштүрө алат. Ал эми калгандарынын тагдыры кандай болору белгисиз.

“Бизге мамлекет узак мөөнөттүү арзан насыяларды бербейт, бирок биз бири-бирибиз менен сүйлөшүп эптеп алдыга жылууга, бир нерсе курууга аракет жасасак болот. Эгер ишкерлер аны жасай алышпаса, акырындык менен биз ЕАЭБдин аймагына айланабыз. Анткени миллион мигрант Орусия менен Казакстанда иштеп, акчасын кыргыз жергесине жөнөтөт, биз болсо ал каражатты кайрадан эле ошол чет өлкөдөн келген товарларга жумшайбыз”,- деди ишкер.

Мындан тышкары ал учурда өкмөт ички инвесторлорго салкын мамиле жасаганын баса белгиледи.

“Өкмөтүбүз көбүнчө сырттан келген инвесторлорго шарт түзүп, "астыларына кызыл килем" салып берип жатат. Ал эми ата мекендик ишкерлерге шарт түзүлбөй жана көңүл бурулбай жатат. Көп жылдан бери муну айта албай жүрөбүз. Бул маселени карашыбыз жана талкуулашыбыз керек”,- дейт ишкер.

Автор: Наргиза Бекжанова
Фото: Наргиза Бекжанова

08:46 06-11-2015

Жазылуу

РУБРИКАДАГЫ СОҢКУ КАБАРЛАР

23:17 2024-05-19 | Түркүн дүйнө

"Бүткүл Иран дуба кылып". Ирандын президентин үч сааттан бери издеп жатышат 607 0

21:24 2024-05-19 | Түркүн дүйнө

Куткаруучулар Ирандын президенти отурган тик учак кулаган жерге жете элек 1923 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 3371 0

18:56 2024-05-19 | Коом жана турмуш

Жүрөк жылыйт! Кыргызстандыктар Бишкектеги пакистандыктарга азык-түлүк жеткиришүүдө (видео) 1903 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 2231 0

18:30 2024-05-19 | Саясат

Акылбек Жапаров Кочкорго барды (фото) 685 0

Архив

Комментарийлер (1)

Nasi1981

2015-11-06 09:46:14

Эн туура. Бирок биздин окмот башчылар эли жонундо ойлонгон эмес, ойлоп баш ооруткусу да келбейт. Аларга кресло, мансап гана керек. ЕАЭБге биздин кызыкчылыгыбыз корголгондо гана киребиз, товарлар кымбаттабайт дешкен эле. Кайдан, кирген куну которулдуго. Дыйкандарга жакшы болот дешкен эле, кана которулгону? Бул союзга кыргызстандын кызыкчылыгы учун эмес, оздорунун кызыкчылыгы учун кошушкан. Мигрантар деле жыргап кеткен жери жок.

Комментарий калтыруу үчүн өз ысымыңыз менен кириңиз же каттоодон өтүңүз.