Таласта мектеп бүтүрүүчүлөрү 10 жылдык кечени өткөрүүнүн ордуна 7 балалуу жалгыз бой энеге үй куруп беришти (фото)

Таластын Бакай-Ата районунун Кыргызстан айылындагы Ж.Тойчубеков атындагы мектепти 2003-жылы бүтүргөндөр (1985-жылкылар) кече өткөрүүнүн ордуна 7 балалуу жалгыз бой энеге 4 бөлмөлүү үй куруп беришти. Бул тууралуу SUPER.KG порталына аталган айылдын тургундары билдиришти.

Алардын айтымдарында, жергиликтүү мектепти аяктаган бүтүрүүчүлөр акча чогултуп, ал каражатка 7 баланы жалгыз тарбиялаган Гүлбара Курманалиевага үй куруп берүүнү чечишкен.

"Бүтүрүүчүлөрдүн бири Нуркан Сооронбаевдин айтымында, бүтүрүүчүлөр 10 жылдыкты белгилөө боюнча идеяларды талкуулоодо жалгыз бой энеге үй куруп берүү чечими кабыл алынган. Классташтар көптөгөн жакшы нерселерди жасаганга үлгүрбөй каза болуп калган Кабылбек Медетбеков аттуу молдонун үй-бүлөсүнө үй куруп берүүнү колдошкон. Анын алты кызы жана кичинекей бир эркек баласы калган. Жубайынын үй курууга мүмкүнчүлүгү жок. Ал эми эски үйү урайын деп калган.

Жалпысынан 20 бүтүрүүчү чогулган. Ал эми чет мамлекетте жашап жаткан бүтүрүүчүлөр акча салып жиберишкен. Үйдү жергиликтүү тургундар жана бүтүрүүчүлөр өздөрүнүн күчү менен бир жыл ичинде курушту. Үй 4 бөлмөлүү. Жаңы үйдүн ачкычын тапшырууда Г.Курманалиева ыраазычылыгын билдирди.

Бүтүрүүчүлөрдүн айтымдарында, үйдүн курулуш материалдарынан тышкары кошумча дагы 300 миң сом жумшалган",- дешет айылдын тургундары.

Автор: Нургазы Аматов

09:34 09-11-2015

Жазылуу

РУБРИКАДАГЫ СОҢКУ КАБАРЛАР

21:24 2024-05-19 | Түркүн дүйнө

Куткаруучулар Ирандын президенти отурган тик учак кулаган жерге жете элек 598 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 2430 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 1534 0

18:30 2024-05-19 | Саясат

Акылбек Жапаров Кочкорго барды (фото) 510 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 1934 0

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 1438 0

Архив

Комментарийлер (36)

zair_ali

2015-11-09 17:02:53

Эң сонун идея. Аллах ыразы болсун. Аябай сонун иш. Бекерле бир кечеге мынча акча сарптап өткөргүчө ушундай иш кылса болоткен го. Баардыгынан аллах ыразы болсун.

Bekzamann

2015-11-09 17:36:29

Бали!

karona

2015-11-09 19:03:30

Эн жакшы идея! Ушундай жаштардын кобоюп, кийинкилерге сабак болуп журо беришсин!

nura.177

2015-11-09 19:28:50

Жакшы жанылык,азаматтар ,ушулардан улгу алышса. Топурап чогулушуп жылкы сойушуп беш кун майрамдагандан коро жакшы иш жасашыптыр.

maks83

2015-11-09 20:09:39

жакшы жакшы.

rusha

2015-11-09 20:24:37

Кудайым ушул сооптуу ишти ишке ашыруучарга бейиштен хан сарай даярдайт деп дуба кылалы. Азаматтар!

Nusii

2015-11-09 20:30:19

Эмне дешти билбей турам ! Алла ыраазы болсун!

adilbars

2015-11-09 21:09:27

Акылдуу бутуруучулор экен! Эми дайыма ушундай сооп иш кылуу салтка айланса экен! Ичип алышып кеченин кандай отуп кеткенин билбей эле калган бутуруучулор канча десен. Мындайда бутундой олкого жанылык болду. 20 сын тен жана жардамга келген айыл элин кудай колдосун! Кудайдан кайтсын!

Marles_44

2015-11-09 21:14:43

ушундай иштерге "завидовать" этиш керек

kachy0212

2015-11-09 21:48:41

Смартфон кетти окшойт ушуга

Afina

2015-11-09 22:21:55

Алла ыраазы болсун! Сообу силерге тийсин.....

Azahan

2015-11-10 00:19:28

Соз жок Айколсунор Манастай бар болгула

Mazia88

2015-11-10 03:53:57

Жалгыз бой энеге 7- баланы багуу аябай кыйын. Эжеге боорум ачып жатат. Эже киви кошелек , же банктан счет ачсаныз, и Супер-инфо жарыялап койсо , колдон келишинче акча салып турат элем. Эже кыйынчылыктар болсо смс жазыныз обратный звонок кылам : +7925-292-12-02

nur-patriot

2015-11-10 11:24:28

азаматтар!! башкаларга үлгү болсун. эми башка аймактардан ушул сыякту иш кылганы боюнча кабарлардан окуйлу

Jamalym

2015-11-10 20:33:27

Толкунданып кеттим козумдон жаш чыгып...Мына,патриоттор деп ушул жигиттерди айтса болот!Чон соопко калыпсынар,Аллах ыраазы болсун!

Комментарий калтыруу үчүн өз ысымыңыз менен кириңиз же каттоодон өтүңүз.