Бишкектеги Кожомкул атындагы Спорт Ордосунда “Күз-2015” VI Эл аралык жарманке-көргөзмө аягына чыкты. Анда 60ка чукул кыргыз ишкерлеринин продукциясы жана Кытай, Түркия, Орусия, Монголия жана Түштүк Кореянын товарлары көрсөтүлүп, арзан баада сатылды. 6-жыл катары менен өткөрүлүп жаткан иш-чарага кездеменин ар кайсы түрүнөн тигилген кийим-кечелер, териден жасалган баш кийим жана тондор, өлкөдө чыгарылган бут кийимдер сатылды. Мындан тышкары азык-түлүк, майда жабдыктар, сувенирлер жана косметика каражаттары коюлду.
Айта кетсек, жарманке 12-17-ноябрь күндөрү өттү.