Милиция кызматкери Актилек Абдубалиевдин сөөгү жерге берилди. Артында ата-энеси, карындашы жана иниси калды

Бүгүн, 21-ноябрда Жалал-Абад облусундагы Аксы районунун Кашка-Суу айылында милиция кызматкери Актилек Абдубалиевдин сөөгү жерге берилди. Акыркы сапарга узатуу иш-чарасына Актилектин туугандары, жакындары, кесиптештери, достору, жергиликтүү бийликтин өкүлдөрү катышты. Бул тууралуу SUPER.KG порталына маркумдун жердештери билдиришти.

Эскерте кетсек, 19-ноябрда саат 20:00 чамасында Бишкектин 8-кичи районундагы 38-үйдүн жанынан 2 адам аймактык милиция кызматкери Актилек Абдубалиевди атып өлтүргөн. Андан соң кылмышкерлер велосипеддер менен 7-кичи район тарапка качышканы аныкталган. Азыркы тапта аларды издөө иштери уланууда.

Ички иштер министрлиги Абдубалиевдин жакындарына акчалай жардам көрсөтмөкчү. Ал эми аны өлтүргөндөр тууралуу маалыматка министрлик 1 миллион сом берүүнү убадалаган.

ИИМден билдиришкендей, кенже лейтенант Абдубалиев Актилек Асанович 1989-жылдын 3-мартында Жалал-Абад облусундагы Аксы районунун Кашка-Суу айылында туулган. 2012-жылдан тарта милицияда иштеп, өзүн мыкты кызматкер катары көрсөтө алган. Ал бир топ чуу жараткан кылмыштардын бетин ачкан.

Автор: Нургазы Аматов

16:54 21-11-2015

Жазылуу

РУБРИКАДАГЫ СОҢКУ КАБАРЛАР

21:24 2024-05-19 | Түркүн дүйнө

Куткаруучулар Ирандын президенти отурган тик учак кулаган жерге жете элек 598 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 2430 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 1534 0

18:30 2024-05-19 | Саясат

Акылбек Жапаров Кочкорго барды (фото) 510 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 1934 0

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 1438 0

Архив

Комментарийлер (14)

Rifle_2

2015-11-21 16:56:33

1'000'000 үйбүлөсүнө бергиле. Жок дегенде жардам болсун.

+11

aibo_85

2015-11-21 17:31:38

Rifle_2, миллионду беришпейт, бул ИИМдин сооротуучу ыкмасы. Качан эле бизде миллион сомду ме деп кармата койчу эле.

+10

Aviator

2015-11-21 17:00:13

жаткан жери жайлуу болсун

aruuzat88

2015-11-21 17:04:07

Жаткан жери жайлуу болсун.

dasta

2015-11-21 17:21:34

Жаш еле кетиптир ата енесине да кыйын еми.жок дегенде артында туйак калса жакшы болмок

KGstan81

2015-11-21 17:46:38

милициялар, аскер кызматкерлери ж.б куч тузумдору жумушка орношкондо ант берип киришет демек Кыргызстанда дагын Россияга окшоп эгерде жумуш учурунда каза болушса балдарына 18 жашка ч-н тоолук айлыгын толоп бериш керек.Бирок бизде каза болгон кызматкердин уй-булосун бат эле унутуп коюшат.

Sandrana

2015-11-21 18:51:14

KGstan81,Ошондой болсо кана жакшы болот эле,бирок Мамлекетибиз андан бер жагыны кылып алсынчы,жер тербеседа Россиядан жардам сурап отурушат уят просто уят,ошончо креслодо балпайып отурган депутат министрлерден ашпай турган нерселерди да Россиядан суранып эле келе жатат ,качан токтот сурангандарын уят болуп буттук!

KGstan81

2015-11-21 17:47:29

Айткандай Жаткан жери жайлуу болсун Оомийн.

adielina

2015-11-21 17:50:49

Эх чиркин дуйно кээ бир адам оз ажалы менен кээ бир адам ушинтип кылмышкерлердин колунан олуп калып жатат жаткан жерин жайлуу болсун Тилек,бул баланы таанычуумун тамашакой ак конул бала эле.

SMS Aroma

2015-11-21 23:15:13

Кырчындай эле убагын,
Тартышсын сенин убалын,
Кайышып сыздайт , журогум,
Нааразы болуп турамын.
Кыргызстан деп берилип,
Иштегендер калабы ???
Кылмышкер деген наадандар,
Деги жазасын алабы ?!
Жанын тиштеп тишине ,
Берилет кимдер ишине?
Кыйып койду омурун
Канкорлор тушуп изине .

+11

kaniet

2015-11-22 01:45:49

Арты кайырлуу болсун!!!

realbek89

2015-11-22 02:41:36

Миллиондон беребиз деп жаман уйронушту го булар,оздору издеп табышсын да,аны атканга,муну тапканга миллион беребиз деп эле чалкалап жата бербей

bibi87

2015-11-22 04:09:54

Кылмышкерлер велосипед менен качып кетишкен...... болгондо да,милиция кызматкерин атып туруп.. Кыргызстанда адам олтуруу-чымын олтургонго барабар болуп калган.Дагы уялбай "миллион сом"беребиз деп коюшат. "Бир катар чуулуу иштердин бетин ачкан"- деп турат го,ошол иштерге куноолуу адам "заказ"берди да. Билип туруп билмексен болушат.

Arslan12

2015-11-22 13:55:12

1миллионду уйбулосуно берип озунор ишти уланта бергиле

Комментарий калтыруу үчүн өз ысымыңыз менен кириңиз же каттоодон өтүңүз.