Былтыр Санитардык-экологиялык инспекция тарабынан Бишкекте таштандыны ар кайсы жерге таштагандарга карата 1670 протокол түзүлгөн

Былтыр Санитардык-экологиялык инспекция тарабынан Бишкекте таштандыны ар кайсы жерге таштагандарга карата 1670 протокол түзүлгөн. Бул тууралуу бүгүн, 12-январда SUPER.KG порталына аталган мекеменин юристи Руслан Аитов билдирди. Анын айтымында, бул протоколдорду атайын комиссия карап, алардын 612си боюнча айып пул салуу чечими чыгарылган.

“Шаардын тазалыгын бузган жеке жана юридикалык жактарга салынган айыптардын жалпы суммасы былтыр 1 миллион 449 100 сомду түзгөн. Ар бир протоколду райондордун акимдеринин орун басарлары жетектеген комиссия карап чыгат”,- деди юрист.