Өкмөттө Кыргыз-Орус өнүктүрүү фондунун ишин жандантуу жолдору талкууланды

Өкмөттө бүгүн, 18-январда Кыргыз-Орус өнүктүрүү фондунун ишмердигин кеңейтүү боюнча жыйын өттү.

Премьер-министр Темир Сариев фонд Кыргыз Республикасынын Евразиялык экономикалык биримдикке кошулууда экономикасын адаптациялоо, чакан жана орто бизнеске колдоо көрсөтүү максатында түзүлгөнүн, бул жаатта фонддун ишин дагы активдештирүү зарылдыгын билдирди.

Кыргыз-Орус өнүктүрүү фондунун ишин активдештирүү менен катар жаңы ишканаларды ачууга керектүү жабдыктарды сатып алууга насыяларды берүү, мамлекеттик банктар аркылуу айыл чарба ишканаларына берилген насыялардын шартын жеңилдетүү тапшырмасы берилди.

Автор: Автандил Добулбеков