Кыргыз Эл акыны Сооронбай Жусуев дүйнө салды

Бүгүн эртең менен саат 9дар чамасында Кыргыз Республикасынын Баатыры, Кыргыз Эл акыны, Токтогул атындагы Мамлекеттик сыйлыктын лауреаты, Улуу Ата Мекендик согуштун ардагери Сооронбай Жусуев узакка созулган оорудан каза болду. Бул тууралуу 4-февралда Маданият, маалымат жана туризм министрлигинен билдиришти.

Эл акыны быйыл 91 жашка чыкмак. Сооронбай Жусуевди "Ала-Арча" көрүстөнүнө коюу пландалып, бирок кайсы күнү коюлары белгилене элек. Бул маселе бүгүн мамлекеттик деңгээлде уюштуруу комитети менен каралат.

С.Жусуев 1925-жылдын 15-майында Кара-Кулжа районундагы Алайкуу өрөөнүндө жайгашкан Кызыл-Жар кыштагында туулган. Ал 60ка жакын китептин автору, айрым чыгармалары орус, тажик, түрк, өзбек, кытай жана башка тилдерге которулган. Ошондой эле Шекспир, Сулейманов, Гамзатов, Есенин, Махтумкули өңдүү акын-жазуучулардын чыгармаларын кыргыз тилине которуп, окурмандарга тартуулаган.

Акынга ыр менен жазылган "Курманжан датка" романы үчүн Токтогул атындагы Мамлекеттик сыйлык, "Моя жизнь" деген китеби үчүн А.Фадеев атындагы сыйлык ыйгарылган. Согуштагы эрдиктери жана чыгармачылык эмгектери үчүн Ата Мекендик согуш ордени, Даңк, "Эмгектеги артыкчылыгы" медалдары, Кыргыз ССРинин Ардак грамоталары менен сыйланган. "Кыргыз Эл акыны", "Кыргыз Республикасынын Баатыры" наамдары берилген.

SUPER.KG порталынын эмгек жамааты кыргыздын залкар инсаны Сооронбай Жусуевдин көз жумганына байланыштуу үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.

10:37 04-02-2016

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

11:55 2024-05-07 | Түркүн дүйнө

Макрон Франция Орусия менен согушпай турганын айтты 61 0

11:40 2024-05-07 | Кылмыштар, кырсыктар

Ошто 4 жаран "Йакын-Инкар" уюмунан баш тартты (видео) 86 0

11:37 2024-05-07 | Коом жана турмуш

Шакиев Сузактагы окуядан жабыркаган балдардан кабар алды 115 0

11:12 2024-05-07 | Коом жана турмуш

Сузак-Кара-Дарыя унаа жолуна асфальт төшөлдү 208 0

10:37 2024-05-07 | Коом жана турмуш

Кыргыз драма театрынын өкүлдөрү Ошто спектакль коёт (тизме) 208 0

10:34 2024-05-07 | Спорт

Дагы бир кыргыз мушкери Азия чемпиондугунда күмүш медаль утту 228 0

Архив

Комментарийлер (13)

amanatym

2016-02-04 11:02:48

арты кайрылуу болсун

altyn2015

2016-02-04 11:08:50

Жаткан жери жайлуу болсун.

Alixan-Nookat.2015

2016-02-04 11:30:16

Жаткан жери жайлуу болсун!

amanatym

2016-02-04 11:31:41

"алакан" деген ыры жагат

AshatMJ89

2016-02-04 11:42:38

жактан жери жайлуу болсун

Aviator

2016-02-04 11:49:12

жаткан жери жайлуу болсун

Ankel

2016-02-04 13:28:38

Жаткан жери жайлуу болуп, Аллах өз ырахматына алсын! Супер инфо бул кабарды жоон тамга (жирный шрифт) менен берсеңер, сураныч

KursKG

2016-02-04 16:11:55

Жаткан жери жайлуу болсун,алланын иши экен.

dubai

2016-02-04 19:55:36

Жаткан жери жайлуу,топурагы торко болсун...

amanatym

2016-02-05 11:15:39

Балам мына төшөгүнөн турду бат,
Моюнумдан кучактады булдурап.
Алаканын өптүм дагы баламдын,
Те согушту эстеп турдум тунжурап.

…Самак эле ынак досум сырдашкан,
Укмуш болчу күлкү менен ыр жактан.
Ызылдаган октор тына калганда
Ыр, күлкүгө бизди бөлөп жыргаткан.

Самак айтты: –Кайда жүрдүң жанатан?
Мына балам! Сен баламды карасаң…
Ал бала эмес. Турду кагаз үстүндө
Беш манжалуу кичинекей алакан.

Самак өөп, кагаз бетин жапты да,
Улутунду: –Бала кандай жакшына!
Ошол түнү алакандуу кагазды
Коюп жатты

amanatym

2016-02-05 11:16:26

жаагынын астына.

Далай өөп Самак ошол сүрөттү.
Далай жолу алмаштырдык түнөктү.
Бир кыштакка кирип бардык жоо сүрүп,
Дүкүлдөтүп үмүтү жок жүрөктү.

Бир короодо бала турат байлануу,
Бул не шумдук?! Таппай калдык айланы.
Жардам сурап бала колу эрбеңдеп,
Бала көзү бизден өтүп жайнады.

Баланы биз аң-таң калып карасак,
Баарыбыздан Самак тура баласак–
Наристени бошотууга байлоодон
Аттап-буттап чуркап кетип баратат.

Ыйлап турган ал балага таңылып,
Жеткен кезде атасындай сагынып,
Кара түтүн, боз топурак бурк этти
Коюп койгон жоо минасы жарылып…

Андан ары мен айталбай баратам,
Айткан сайын жүрөгүмдү канатам:
Экөө тең жок… Жерде жатты бир гана
Купкуу болгон кичинекей алакан…

Кээде түшүп мен торуна санаанын,
Көргөнүмдүн көбүн эске саламын.
Согуш десе, көз алдыма көрүнөт
Ошондогу алаканы баланын…

isa-80-80

2016-02-05 13:59:43

Калын тамга/жирный шрифт/ менен жазгыла.

isa-80-80

2016-02-05 14:07:39

Эл акыны, Эл баатыры,согуш ардагери,эмне учун тема жонокой эле жазылып калган... Жараткан Жаннаттан орун берсин залкар атабызга.

Комментарий калтыруу үчүн өз ысымыңыз менен кириңиз же каттоодон өтүңүз.