Кочкор районунун Кочкор айылында жайгашкан бут кийим чыгаруучу фабрика тарабынан бир нече мыйзам бузулган

Нарын облусунун Кочкор районунун Кочкор айылында жайгашкан "Ренессанс" бут кийим чыгаруучу фабрикасынын кызматкерлеринин арызынын негизинде, Мамлекеттик экологиялык жана техникалык инспекциясынын Жумгал жана Кочкор аймактык башкармалыгы тарабынан аталган фабрика текшерүүгө алынды. Бул тууралуу аталган инспекциянын басма сөз кызматы билдирди.

Маалыматка ылайык, фабрика 2015-жылдын 1-декабрынан тартып иштегени маалым болду. Кызматкерлер менен эмгек келишими түзүлгөн, бирок бирден гана үлгүдө болуп, экинчи үлгүлөр жумушчуларга берилген эмес. Текшерүүдө кызматкерлердин укуктары бузулуп жана ишкананын жетекчилиги мыйзамга толук жооп бербеген иш аткарып келген. Маселен, кызматкерлер эртең менен саат 8ден кечки саат 22:00гө чейин иштеп, коопсуздугу каралган эмес. Андан сырткары ден соолукка келтирилген зыяндар, ашыкча убакыт иштеген кызматкерлерге кошумча акы төлөнгөн эмес. Эмгек кодексине ылайык, 50дөн ашык кызматкер иштеген мекемелерде жамааттык келишим түзүлүшү шартталат, бирок бул шарттар да аткарылган эмес. Жогоруда келтирилген фактыларды мыйзамдаштырууга, коопсуздук, эмгек жаатындагы кемчиликтерди жоюуга “Ренессанс” фабрикасына 1 айлык убакыт берилди.

17:16 12-02-2016

Автор: Үмүт Абдраимова
Фото: Мамлекеттик экологиялык-техникалык инспекция

Жазылуу

РУБРИКАДАГЫ СОҢКУ КАБАРЛАР

11:55 2024-05-13 | Кылмыштар, кырсыктар

Ноокатта бала сүзүп алып качып кеткен 15 жашар өспүрүм кармалды 49 0

11:23 2024-05-13 | Саясат

Энергетиктерге 33 даана жаңы техника тапшырылды 199 0

11:20 2024-05-13 | Бизнес-Инфо

MBANK - өзүнүн MBANK Market маркетплейсин ишке киргизет 130 0

11:14 2024-05-13 | Кылмыштар, кырсыктар

"Мушташкандарды ажыратам деп...". Санкт-Петербургда 29 жаштагы кыргызстандык бычактан жараат алды (видео) 434 0

11:12 2024-05-13 | Коом жана турмуш

Нарын дарыясында 4 жаштагы кызды издөөгө 135 адам чыкты 157 0

11:12 2024-05-13 | Коом жана турмуш

Келерки жылы Балыкчы шаарын өнүктүрүү үчүн 1 миллиард сом бөлүнөт 153 0

Архив

Комментарийлер (1)

STAN_KG

2016-02-15 12:46:43

Бир ай убакыт көп, бүгүн азыркы учурдан баштап мыйзамдын ар бир талабы иштей башташы керек деп милдеттендириши керек болчу! бир ай не деген срок, мен аны үч саатын ичинде ордуна келтирип даярдап коймокмун.

Комментарий калтыруу үчүн өз ысымыңыз менен кириңиз же каттоодон өтүңүз.