Чүйдүн төрөт үйүндөгү эненин өлүмү боюнча иликтөө иши Башкы прокуратурага өткөрүлдү

Чүйдөгү төрөт үйүндөгү эненин өлүмү боюнча иликтөө комиссиясынын материалдарын Саламаттыкты сактоо министрлиги Башкы прокуратурага өткөрүп берди. Бул тууралуу бүгүн, 12-февралда аталган мекемеден кабарлашты.

Атайын түзүлгөн комиссия каза болгон 33 жаштагы эненин төрөт маалы өз убагынан өтүп, түйүлдүктүн суусу агып кеткенин аныктады. Ал төрөт үйгө келген маалда түйүлдүк 23 саат 35 мүнөт суусуз калган. Дарыгерлер 7-февраль күнү эртең мененки саат 7де толготууну жасалма жол менен чакыртышкан. 5 саат өткөндө жатындын айрылганынын белгилери байкалган. Саат 13:15те эне өлүү ымыркайды төрөгөн. Төрөттөн кийинки мөөнөттө кан токтобой, дарыгерлер жатындын жарылганын аныкташып, операцияга алып киришкени менен, 8-февралда эне каза болгон.

Комиссиянын иликтөөсүнүн негизинде медициналык жардамды көрсөтүүдө кемчиликтер аныкталып, тиешелүү чараларды көрүп энени жана ымыркайды тирүү алып калууга мүмкүн болгондугу тууралуу чечим чыгарган. Ал эми төрөттү кабыл алган акушер-гинеколог жумуштан чыгарылып, калган дарыгерлерге Чүй облустук оорукана бирикмесинин башчысы тарабынан эскертүү берилди.

Эскерте кетсек, Чүйдөгү төрөт үйүндө бир эне жана эки ымыркай каза болгон.

19:02 12-02-2016

Автор: Үмүт Абдраимова

Жазылуу

РУБРИКАДАГЫ СОҢКУ КАБАРЛАР

20:10 2024-05-12 | Кылмыштар, кырсыктар

Ошто кызганычтан улам кыздын сабалышы: Окуянын видеосу тарады 2390 0

19:53 2024-05-12 | Маданият, шоу-бизнес

Бишкекте коңур үндүү Өзгөрүш Абакировдун поэзия кечеси өтүп жатат (видео) 433 0

18:31 2024-05-12 | Кылмыштар, кырсыктар

Ошто кызганычтан улам кыз сабалды. Милиция 23 жаштагы жигитти кармады 3272 0

18:19 2024-05-12 | Түркүн дүйнө

Эрдоган АКШга пландалган сапарын жокко чыгарып, себебин түшүндүрдү 1810 0

16:51 2024-05-12 | Кылмыштар, кырсыктар

Нарында апасы менен дарыянын жээгинде жүргөн 4 жашар кыз дайынсыз жоголду 5199 0

16:06 2024-05-12 | Түркүн дүйнө

Ооганстанда селден 300дөн ашуун адам каза болду 1689 0

Архив

Комментарийлер (5)

Ayida

2016-02-12 19:42:07

Жумуштан неге айдап салышты?Ал башка жака ишке кирет.Соттош керек болчу.Оз жазасын алыш керек.Оной эле койберип койбой.Алладан корккулачы!Уч кун мурун менин женеми кистасын алабыз деп операционный креслого чыгарып уколун берип муздак комнатада жарым саат жаткырып анан медсестра келип врачтын иши чыгып калды 2 кундон кийин кел дептир.Бул не деген шумдук.Врачтар ойуна келгенин кылып калыптыр баары эле эмес бирок копчулугу

Sezim.A

2016-02-12 19:45:25

Баардык откондорду Жаратканым оз мээримине алып,бейишин берсин!Ушундай акушерлердин шалаакалыгынын кесепетинен мен да оз апакемден айрылып кан сыздагам.Торот жакшы отуп,эртеси капельница сайып чыгып кетишип ,унутушуп реакция журуп кеткен.Анда 8чи класста окуйт элем.Айтайын демекчимин бул келиндин да артында калган балдарына кыйын.Жети жене бириксе да бир энедей боло албайт.Эч бир жанды энеден айрыгылык кылбасынчы Жаратканым.Ал эми куноолулор оз жазасын алуусу абзел.

mayram-akmat

2016-02-13 00:09:08

Иий жаман болуптур.

mersedes2013

2016-02-13 01:33:12

А эмне учун дароо эле келеер замат кесерово жасашкан эмес???суусу жок аялды кыйнап искуственный толгоо чакырышкан???суу жок бала ошондон олук торолгон.Акмак врачтар!!!Аларга эмне оздорунун жаны кыйналган жок да,олгон алар эмес.Соттош керек!!!

behappy74

2016-02-13 05:39:30

Куноолуулорду соттоп,министрди кызматтан алуу керек.Ушул министр келгени медицина жаатында жоопкерсиз иштер мурункудан да кобойду.Бул жетекчиликтин алсыздыгы,кош конулдугу,ишке козомолдун жоктугунан келип чыгып жатат

Комментарий калтыруу үчүн өз ысымыңыз менен кириңиз же каттоодон өтүңүз.