23-Февраль - Ата Мекенди коргоочулардын күнү эс алуу күнү деп жарыяланды. Бул тууралуу Социалдык өнүгүү министрлигинин басма сөз кызматы билдирди.
1918-жылы 23-февралда жаш советтик аскердик түзүлүштү германиялык баскынчылардан коргоо үчүн ыктыярчылар Кызыл Армиянын катарына жазылып, Ата Мекенди коргоого аттанышкан. Ошол күндөн тартып СССР тараганга чейин ар жыл сайын 23-февраль салтанаттуу майрамдалып келген. СССР тарагандан кийин анын курамынан чыккан көпчүлүк өлкөлөр майрамды белгилебей калышкан. Кыргыз Республикасы бул күндү 2004-жылдан бери кайрадан майрамдап келет.