Кечээ, 14-февралда Өчпөс оттун жанында романтикалуу кече уюштургандар табыла элек. Бул тууралуу Бишкек шаардык мэриясынын басма сөз кызматы SUPER.KG порталына билдирди.
14-февралда социалдык тармактарда Бишкек шаарындагы Өчпөс оттун жанында Валентин күнүнө карата романтикалуу кече уюштургандардын сүрөтү жарыяланган.
"Учурда бул иш-чараны уюштургандардын аты-жөнүн Свердлов РИИБи жана дагы башка укук коргоо органдары такташууда. Аларга чара көрүлөт. Мындан улам "Жеңиш" аянтын көзөмөлдөө үчүн 2016-жылы Өчпөс оттун жанына будка орнотулуп, күзөтчү иштемекчи",- деди Бишкек шаардык мэриянын басма сөз катчысы.