Салыкчылар бирдиктүү салык декларациясын түн ортосуна чейин кабыл алышууда

Республиканын аймактык салык органдары бирдиктүү салык декларациясын эртең мененки саат 9дан тартып түн ортосуна чейин күчөтүлгөн режимде кабыл алып жатышат. Бул тууралуу Мамлекеттик салык кызматынын басма сөз кызматы кабарлады.

Салык төлөөчүлөргө декларация тапшырууда толук жана ар тараптан көмөк көрсөтүү максатында нөөмөт уюштурулган. Айрыкча 29-февралга чейинки мезгил ичинде, ошондой эле 22-марттан тартып 31-мартка чейин майрам жана дем алыш күндөрдү кошкондо саат 09:00дөн 24:00гө чейин иштөөдө. Декларацияны иш убактыларында тапшырууга жетишпей калган салык төлөөчүлөр аны 18:00дөн кийин тапшыра алышат.

"1-мартка чейин юридикалык жактар, 1-апрелге чейин жеке жактар 2015-жылы алынган кирешелер же жер тилкелери жана мүлк объектилери, экономикалык ишмердиктери тууралуу жана башка маалыматтар жөнүндө салык органдарына отчёт берүүлөрү керек. Демек, үстүбүздөгү жылдын 1-мартына чейин ата мекендик уюмдар, дыйкан жана фермердик чарбалар, туруктуу мекемесин түзүү менен Кыргыз Республикасынын аймагында ишмердигин ишке ашырган чет өлкөлүк уюмдар бирдиктүү салык декларациясын тапшырууга милдеттүү. 1-апрелге чейин мамлекеттик кызматкерлер, жеке ишкерлер (анын ичинде патенттик негизде салык төлөгөндөр), кыймылдуу (транспорт) жана кыймылсыз (батир жана үй) мүлкү жана жер тилкеси (короо-жай тилкелеринен башка) бар жеке жактар, юридикалык жакты түзбөй туруп ишмердиктерин ишке ашырган дыйкан жана фермердик чарбалар бирдиктүү салык декларацияларын тапшырууга милдеттүү. Декларацияны өз убагында тапшырбаган жеке жактарга 2000 сом жана юридикалык жактарга 5000 сом өлчөмүндө административдик айып салынат",- деп эскертет Мамлекеттик салык кызматы.

Автор: Үмүт Абдраимова

09:27 25-02-2016

Жазылуу

РУБРИКАДАГЫ СОҢКУ КАБАРЛАР

23:17 2024-05-19 | Түркүн дүйнө

"Бүткүл Иран дуба кылып". Ирандын президентин үч сааттан бери издеп жатышат 1553 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 3773 0

18:56 2024-05-19 | Коом жана турмуш

Жүрөк жылыйт! Кыргызстандыктар Бишкектеги пакистандыктарга азык-түлүк жеткиришүүдө (видео) 2151 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 2573 0

18:30 2024-05-19 | Саясат

Акылбек Жапаров Кочкорго барды (фото) 764 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 2665 0

Архив

Комментарийлер (2)

Lenin

2016-02-25 11:59:59

кыймылдуу (транспорт) жана кыймылсыз (батир жана үй) мүлкү жана жер тилкеси (короо-жай тилкелеринен башка) бар жеке жактар,
демек баардык уйу машинеси барлар декларация тапшырышы керекпи.

МэН

2016-02-25 14:01:52

Lenin, туура айтасыз, автосу, үйү бар болсо, декларация берүүгө милдеттүү

Комментарий калтыруу үчүн өз ысымыңыз менен кириңиз же каттоодон өтүңүз.