Теолог: "Шарият боюнча алгач нике кыйылып, андан кийин каттоого баруу керек"

“Шарият боюнча алгач нике кыйылып, андан кийин каттоого баруу керек”,- деди теолог Абдышүкүр Исмаилов бүгүн, 25-февралда Жогорку Кеңеш тарабынан сунушталып жаткан Үй-бүлө жана
Кылмыш-жаза кодексине өзгөртүүлөрдү киргизүү боюнча талкууда. Муфтияттан билдиришкендей, талкууга Жогорку Кеңештин депутаттары, муфтияттын өкүлдөрү катышты.

Алгачкы сөздү депутат Аида Салянова баштап, мыйзам долбоору менен тааныштырып, андагы сунушталган маселелерди айтып өттү. Ал эми Чубак ажы Жалилов сунушталган мыйзамда алгач үйлөнүп жаткан кыз-жигит, ата-энеси жана жакындары жооптуу болушу зарыл экенин эске алууну кошумчалады.

И.Арабаев атындагы Кыргыз мамлекеттик университетинин теология факультетинин өкүлү бул көйгөйдү чечүүнүн оңой жолун атады. "Айыл жеринде жергиликтүү бийлик өкүлдөрү менен тыгыз кызматташып, көйгөйдүн чечүү жолун тапса болот. Буга убакыт керек. Биз пайгамбарыбыз көрсөткөн тартипти бузбашыбыз керек. Бир катар талаш-тартыш маселелер ушундан жаралууда",- деди ал.

Ал эми муфтийдин орун басары Акимжан ажы Эргешов шариятта зордук менен никеге өтүү чоң күнөө экенин айтты. Ал даярдалып жаткан мыйзамдын кээ бир жерлерине тактоолорду киргизүү керектигине токтолуп, адамдардын жашоосуна ыңгайлуулуктарды түзүп берүү зарылдыгын айтты.

Аалымдар кеңешинин төрагасынын орун басары Тажидин ажы Байтейитов никеде теңдик болуусу керектигин белгиледи. "Нике - бул ант. Никеде теңдик болуу керек. "Нике" деген сөздү кыргыз эли кылымдардан бери түшүнүп келген. Айыл өкмөттөрү менен жергиликтүү имамдар биргеликте иш алып барышса, көйгөй чечилет",- деп айтты Байтейитов.

Автор: Наргиза Бекжанова

16:03 25-02-2016

Жазылуу

РУБРИКАДАГЫ СОҢКУ КАБАРЛАР

23:17 2024-05-19 | Түркүн дүйнө

"Бүткүл Иран дуба кылып". Ирандын президентин үч сааттан бери издеп жатышат 607 0

21:24 2024-05-19 | Түркүн дүйнө

Куткаруучулар Ирандын президенти отурган тик учак кулаган жерге жете элек 1923 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 3371 0

18:56 2024-05-19 | Коом жана турмуш

Жүрөк жылыйт! Кыргызстандыктар Бишкектеги пакистандыктарга азык-түлүк жеткиришүүдө (видео) 1903 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 2231 0

18:30 2024-05-19 | Саясат

Акылбек Жапаров Кочкорго барды (фото) 685 0

Архив

Комментарийлер (6)

Sobr777

2016-02-25 16:37:42

Теолог туура айтат.

Sobr777

2016-02-25 16:38:52

Куболукту алгандан кийин никеде терс жыйынтык чыгып калса. Проблема болот куболук

karona12

2016-02-25 18:08:36

Никем бар дегендер көбөйүп кетти,бирөөсүнүн аялы бар,бирөсүнүн күйөөсү бар туруп да көңүлдөштөрү м.н нике кыйдырып алышат.

tynkatar03

2016-02-26 02:13:42

Минус бассанар минус баскыла туугандар телог туура эле айтыптыр.

-2

sabirdinovich

2016-02-26 11:50:16

Кеңешип бир пикирге келгениңер жакшы болот. Себеби кээ бир адамдардын жоопкерсиздигинен нике кыюуга да мамлекеттик каттоого да туура эмес пикирлер айтылууда.Мисалы,1)Кээ бирөө нике кыйдырып коюп, ЗАГЗга барбай жүрө беришет, кийин балалуу болгондон кийин ажырашып кетишсе, аялы алимент ала албай калат.2)ЗАГЗга барып, анан нике кыйдыралы дешсе, ЗАГЗда иштегендер дароо күбөлүк беришпейт,2ай чогуу жашап, бири-бириңерди жакшы таанып келгиле дейт.Муну менен алар зынаа кылгыла деп айткысы келип жатат же 2ай үйлөнбөгүлө дешүүдө.

-2

ishikylsa

2016-02-26 13:26:28

Нике кыйып алып эле балалуу болуп алып, анан алимент ала албай, балдардын укугу тебеленип жатат. Эркектерге ыңгайлуу албетте, балдарды ойлогон эч ким жок.

Комментарий калтыруу үчүн өз ысымыңыз менен кириңиз же каттоодон өтүңүз.