Өкмөт жооп берет: Мен мектепте иштейм, азыр декреттик өргүүдөмүн. 3 балам бар, күйөөм болсо Орусиянын жараны. Балдарыма жөлөк пул алсам болобу?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жаначечилбеген маселелер барбы? Анда "Суперстандагы" "Өкмөт жооп берет" бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Мен мектепте иштейм, азыр декреттик өргүүдөмүн. 3 балам бар, күйөөм болсо Орусиянын жараны. Мен жана балдарым КРнын жараныбыз. Үйүбүздөн башка мүлкүбүз жок. Балдарыма жөлөк пул алсам болобу? Суроо калтырган Nevajno

Жооп: - 2009-жылдын 29-декабрындагы “Мамлекеттик жөлөк пулдар жөнүндө” №318-мыйзамына ылайык, балдары бар, аз камсыз болгон үй-бүлөлөргө ай сайын берилүүчү жөлөк пул үй-бүлөнүн кирешесине жараша чектелет. Башкача айтканда, аз камсыз болгон үй-бүлөдө жашаган ар бир жан башына кепилденген эң төмөнкү кирешенин 810 сом өлчөмүнөн ашпаган шартта, туруктуу каттоосу боюнча дайындалат.

Жубайлардын бири Кыргыз Республикасынын жараны болуп саналбаган учурда балдары бар, аз камсыз болгон үй-бүлөлөргө ай сайын берилүүчү жөлөк пул үй-бүлөнүн турак жай, турмуш-тиричилик шарттарын текшерүү актысынын негизинде жана бул жубай Кыргыз Республикасынын жарандыгын кабыл алуу жөнүндө тиешелүү органдарга арыз бергендиги тууралуу түшүнүк кат болгон учурда дайындалат.

Мисалы: Аял балдары бар, аз камсыз болгон үй-бүлөлөргө ай сайын берилүүчү жөлөк пул дайындоо үчүн кайрылды. Арыз ээсинин өзү жана анын мектеп курагындагы балдары Кыргыз Республикасынын жарандары, аялдын күйөөсү (балдардын атасы) Орусиянын жараны болуп саналат. Мындай учурда балдардын атасы аны Кыргыз Республикасынын жарандыгына кабыл алуу жөнүндө тиешелүү органдарга арыз бергендиги тууралуу маалым катты берген шартта дайындалат. Балдары бар, аз камсыз болгон үй-бүлөлөргө ай сайын берилүүчү жөлөк пул 6 айлык чектелүү мөөнөткө дайындалат жана андан соң жашаган жеринен үй-бүлө чындыгында эле маалым катта көрсөтүлгөн дарек боюнча жашай тургандыгы жөнүндө маалым катты талап кылуу менен көзөмөлдөнүп турат.

Суроого Кыргыз Республикасынын Эмгек жана социалдык өнүгүү министрлигинин басма сөз кызматынан жооп беришти.

Эгер сизде да суроолор болсо, анда "Өкмөт жооп берет" бөлүмүнө кириңиз.

Автор: Наргиза Бекжанова

17:22 29-02-2016

Жазылуу

РУБРИКАДАГЫ СОҢКУ КАБАРЛАР

23:17 2024-05-19 | Түркүн дүйнө

"Бүткүл Иран дуба кылып". Ирандын президентин үч сааттан бери издеп жатышат 1553 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 3773 0

18:56 2024-05-19 | Коом жана турмуш

Жүрөк жылыйт! Кыргызстандыктар Бишкектеги пакистандыктарга азык-түлүк жеткиришүүдө (видео) 2151 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 2573 0

18:30 2024-05-19 | Саясат

Акылбек Жапаров Кочкорго барды (фото) 764 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 2665 0

Архив

Комментарийлер (8)

nurkasym-2014

2016-02-29 17:38:10

Окмот дайыма жооп таап келген и дайыма жообу даяар.Ошол эле жаран уй-булосун бага албагыны учун орусияга кеткен.Эмне максат менен, анткени уй булосун жакшы багыш учун.Анын баары акча каражатынан коз каранды туурабы.Биздин жолок пул эмнеге жарайт.

Damanurcha

2016-02-29 18:28:23

куйосу менен ашырашып кеткен аял жолок пул ала алабы алименттен тышкары

Gulya21

2016-02-29 19:33:09

Бизде аз камсыз болгон акча жагынан жетишпеген уй булолор коп бир тико машинан болсо да жолок пул ала албайсын себеби сени машинан бар экен дейт тико машинан мн кантип уй було багасын ага бензин куйуш керек свет налог сууга толошун керек ж.б окмотто отургандар даяр акчаны жеп журо беришет

KGstan81

2016-02-29 23:07:31

Мен дагын балама жолок пул туралаганы барганымда жэр уйдо жашайткенсин, момо жемиштуу кочотторун бар экен, машинан бар экен деп вам не положено деп отказ этишкен.

nelli

2016-02-29 23:53:23

Лексус, БМВ, Крайслер машиналарда кычырап жургон кээ бир "ото эле байкуш" жарандарыбыз жолок пул алып журушконун коруп, "Кимдин заманы? Оозу кыйшык байдын заманы."деген жакшы соз айласыздан эске тушот да...

Aitpaaim

2016-03-01 02:28:16

Биринчиден куйоом орусиянын жараны дебей адикартка учетко койуп алгылыда, уйндо бир тустуу телик. болсо беришпейт ач отурсанда агада жооп табат статья ук. Кр деп.
Анан окмоттогулор айландырбай эле айткылада бере албайбыз деп эле орусияда тууганы барларга бербейт лучше бир депутат бечараны багалы дешет

isa-80-80

2016-03-01 08:13:19

Соц кызматкерлерди алмаштырыш керек. Анткени, алар тээ союз учурунан бери иштеп келе жаткандары бар айылдарда. Кимге чыгарыш керек,кимге чыгарбаш керек оздору чечип отугун торго илип алышкан. Бей бечараларды какшатышып чыгарышпайт, дагы эле акчалуулар алат. Мектепте иштеген пол жуугучка чыкпайт экен айлыгы бар деп а айлыгы болсо 2500 сом. Мынанча берсен чыгарам деген кадыресе корунуш. 3-4 баласы бар мугалимдин балдарына акча чыкпайт айлыгы 5000 неге жетет?..

Kroxa

2016-03-02 01:15:14

Ооба мен да уккам айыл окмотто айыл депутаттары ГУМ помощко келген азык-тулукту коп балалуу деп анан балдарын оорулу деп документ жасатып пенсия ,пособия беш баласына алышат экен...шумдугун кур деппмин камазы машинеси жери трактору бар туруп...а коп балалууларга барып жерин бар уйун бар телевизорун бар диванын бар деп пособие чектебей кетиптир соцфонддун,комиссия соройлору....

Комментарий калтыруу үчүн өз ысымыңыз менен кириңиз же каттоодон өтүңүз.