Бишкектик славяндар Масленица майрамын өткөрүп, майрамдык карачкыны (чучело) өрттөштү (фото)

Масленица карачкысын (чучело) өрттөө.

Казак ырчысы менен шаар тургуну.

Кезектеги оюн.

Балдар күндүн нурун тартышууда.

Балдар менен чоңдор биргеликте оюн ойношту.

Ар улуттун өкүлдөрү бийлерин тартуулашты.

Концерттик программага кыргыз ырчылары да катышышты.

Ар улуттун өкүлдөрү бийлерин тартуулашты.

Кичинекей тургундар үчүн жагымдуу оюндар болду.

Оюн-зооктор уюштурулуп, жеңүүчүлөргө белектер берилди.

Күчтүү жигиттер өз өнөрү менен тааныштырышты.

Иш-чарада куймактар таратылды.

Кыргыз өлкөсүндөгү Орусиянын элчиси Андрей Крутько.

Бүгүн, 12-мартта Бишкектеги Маданият жана туризм министрлигинин имаратынын алдында славян элинин Масленица майрамына карата иш-чара болуп өттү. Ага кыргыз өлкөсүндөгү Орусиянын элчиси Андрей Крутько, Мекендештер гильдиясынын ассоциациясынын төрайымы Любовь Ардамина катышты.

"Бул жылы кыргыз жергесинде жаз ысык болчудай, бул мезгил баарыңарга ийгилик алып келсин. Маанайыңар ар дайым жаздай ачык болсун",- деп каалоолорун айтып кетти элчи. Ошондой эле ал үстүбүздөгү жылдын сентябрь айында Кыргыз Республикасына Орусиянын президентинин келери күтүлүп жатканын кошумчалады.

"Жаз майрамыңар менен куттуктайм, кымбаттуу бишкектиктер! Эртең Кечирилген жекшемби, андыктан бири-бириңерден кечирим суроону унутпагыла. Баарыңарга жакшы маанай каалайм",- деди Ардамина.

Иш-чара концерттик программа жана кызыктуу оюн-зооктор менен коштолуп, Масленица майрамы тууралуу көп маалыматтар айтылды. Кичинекей тургундар оюндарга катышып, алардан улуулар ортого бийге түшүп, көтөрүңкү маанайда тарашты.

Масленица - славян элинин Улуу орозого чейинки салттуу майрамы. Аны өткөрүү ырым-жырымдарында славян мифологиясы сакталып келет. Негизинен 7 күн майрамдалат. Бул майрамдын так датасы жок. Аны белгилөө күнү Пасха майрамынын датасынан көз каранды. Масленицанын башкы атрибуттары - карачкы (чучело), куймак жана оюн-тамашалар. Майрамдын аягында Масленица карачкысын өрттөп, жакшы түшүм алуу үчүн күлүн айдоо талааларына себишкен.

Бишкекте өткөн Масленица 12.03.2016

Масленица майрамы Бишкекте 12.03.2016

Автор: Үмүт Абдраимова
Фото: Үмүт Абдраимова

17:32 12-03-2016

Жазылуу

РУБРИКАДАГЫ СОҢКУ КАБАРЛАР

21:24 2024-05-19 | Түркүн дүйнө

Куткаруучулар Ирандын президенти отурган тик учак кулаган жерге жете элек 598 0

19:15 2024-05-19 | Түркүн дүйнө

"Ильхам Алиев менен жолуккан". Ирандын президенти отурган тик учак кулады 2430 0

18:45 2024-05-19 | Түркүн дүйнө

Орусиядан Бишкекке учканы жаткан учак аэропорттун кызматкерин сүзүп кетти 1534 0

18:30 2024-05-19 | Саясат

Акылбек Жапаров Кочкорго барды (фото) 510 0

17:34 2024-05-19 | Түркүн дүйнө

Дональд Трамп үчүнчү дүйнөлүк согуш 5 айдын ичинде башталышы мүмкүн экенин айтты 1934 0

15:05 2024-05-19 | Коом жана турмуш

Кыргызстан менен Пакистандын министрлери Астанада жолугат 1438 0

Архив

Комментарийлер (9)

Rifle_3

2016-03-12 20:11:40

Карачкыбы же каракчыбы ?
Негизи чучело ошондой которулабы ?

ekaterinburg

2016-03-12 21:00:17

Каракчыны болуш керек

mr.beka

2016-03-12 21:39:56

Супер.

bond

2016-03-12 22:16:23

Кыргызда карачкы деген соз жок. Чучело каракчы болуп которулат.

AlbertEnshtein

2016-03-12 22:23:31

Славяндар эмес, провославтар

Rednalf

2016-03-12 22:49:54

Карачкы менен каракчы эки башка сөз.Карачкы-чучело,Каракчы-грабитель,разбойник.

Мэри

2016-03-12 23:26:11

Карачкы - пугало; чучело (которое ставят у овечьего загона для отпугивания волков).

Кыргызда мындай сөз колдонулат, бар. Анын этимологиясын айтып отуруунун кажети жок го, башкысы, аны колдонуп келгенбиз жана колдонушубуз керек, билбегендер билип алышыбыз керек...

Abdyrashit.Satylganov

2016-03-12 23:30:18

Масленица кыргызчага кандай которулат? Мисалы. Татарча, башкырча (Май чабу) болуп которулат экен. Кыргызча ошондо Майсалчу болуп калабы же кандай? Мааниси боюнча туура кандай которулат?

Birimdik5555

2016-03-13 00:03:11

Карачкы десе кызыктай эле угулат экен,тили келбеген жаш балага окшоп

Комментарий калтыруу үчүн өз ысымыңыз менен кириңиз же каттоодон өтүңүз.