Бүгүн, 14-мартта Абдышүкүр Нарматов Ислам университетинин ректорлугунан өзүнүн жазган арызынын негизинде бошотулду. Бул тууралуу SUPER.KG порталына Бишкек муфтиятынын басма сөз кызматынан кабарлашты.
"Абдышүкүр Нарматов өз каалоосу менен ректорлуктан кетти. Өзүнүн ордун буга чейин Ислам университетинде проректор болуп иштеп келген Марс Ибраевге өткөрүп берди",- дейт басма сөз катчысы.
Абдышүкүр Нарматов бул окуу жайдын ректору болуп 2000-жылы дайындалган. Учурда ал Аалымдар кеңешинин төрагасы.