Быйыл өлкөдө миңдей мектеп интернетке кошулмакчы

Республикада быйыл "Акылдуу мектеп" программасынын алкагында 1000дей мектеп интернетке кошулат. Бул тууралуу премьер-министр Темир Сариевге шилтеме берүү менен өкмөттүн маалымат кызматынан кабарлашты.

Өкмөт жетекчиси заман чакырыктары күчөп, билим берүүнүн сапаты актуалдуу темага айланганын айтты. "Электрондук билим берүүгө өткөндөн кийин ар бир окуучу планшет менен камсыздалат. Муну менен окуучу убактысынын 60 пайызын үнөмдөөгө шарт түзүлөт. Бул максатка бюджеттен каражат каралган, 2016-жылы миңдей мектепти интернетке кошобуз. Кийинки жылы калган мектептерди кошуу пландалууда",- дейт Сариев.

Изилдөөлөргө ылайык, окуучу убактысынын 12 пайызын материалды окууга, 30 пайызын китеп издөөгө, 30 пайызы китептерди барактоого, калган убактысы көчүрүп жазууга кетери аныкталганын кошумчалады премьер-министр.

Автор: Автандил Добулбеков