Бүгүн, 20-мартта борбордогу "Ала-Тоо" аянтына кыргыз-өзбек чек арасындагы маселени чечип берүү талабы менен активисттер чогулууда.
Маалыматка ылайык, учурда аянтка 15ке жакын активист чогулду, дагы башка жаштардын кошулуусу күтүлүп жатат. Чогулгандардын жалгыз талабы - эл өкүлдөрүнүн Аксы районунун аймагына караштуу Кербен - Ала-Бука унаа жолундагы маселени тез арада чечип берүүсү.
Айта кетсек, 19-мартта да "Ала-Тоо" аянтына 50гө жакын активист чогулуп, кыргыз-өзбек чек арасындагы маселени чечүүнү жана бийлик өкүлдөрүнүн биринин аларга жолугуусун талап кылышкан. Бирок 1 сааттан ашуун убакыт турган активисттерге эч ким чыгып жолуккан эмес.