ЖЫЛНААМА, 27-МАРТ: Мындан 89 жыл мурун Улуттук кардиология борборунун негиздөөчүсү, медицина илимдеринин доктору, академик Мирсаид Миррахимов туулган

Мындан 89 жыл мурун, 1927-жылы 27-мартта Улуттук кардиология борборунун негиздөөчүсү, медицина илимдеринин доктору, академик Мирсаид Миррахимов Фрунзе шаарында туулган. Кыргыз мамлекеттик медициналык институтун (КММИ) бүтүргөн. Факультеттик терапия кафедрасында клиника ординатору, пропедтерапия, факультеттик терапия кафедраларынын башчысы, КММИнин илимий иштери боюнча проректору болуп иштеген. 1978-жылдан тартып Кыргызстан кардиология илим изилдөө институтунун директору болгон. 700гө жакын илимий эмгектери, анын ичинен 23 монографиясы, 500гө жакын илимий макалалары жарык көргөн жана 19 ойлоп табуунун автору.

Негизги илимий эмгектери бийик тоолуу шартта адам организминин физиологиясына жана патологиясына арналган. Бийик тоо гипоксиясына адамдын фазалык түрдө көнүгөрүн аныктаган. Ал бийик тоо кардиологиясына негиз салуучулардын бири. Анын жетекчилиги менен 100гө жакын илимдин докторлору жана кандидаттары диссертацияларын жакташкан.

Мирсаид Миррахимов - Кыргыз улуттук илимдер, Орусия медициналык илимдер жана Нью-Йорк академияларынын академиги, Кыргыз Республикасына эмгек сиңирген врач, илим жана техника боюнча эмгек сиңирген ишмер, илим жана техника боюнча мамлекеттик сыйлыктын ээси, СССРдин Саламаттыкты сактоосунун отличниги, КРнын Билим берүүдөгү отличниги жана Социалисттик Эмгектин Баатыры. Анын ысымы Эл аралык Ардак китептерине кирген. Мирсаид Миррахимов 2 Ардак белгиси, 2 Ленин, Октябрь революциясы, Элдердин достугу, III даражадагы Манас ордендери жана көптөгөн медалдар менен сыйланган.

Мирсаид Миррахимов 2008-жылы 2-октябрда 81 жаш курагында көз жумган. Анын сөөгү 5-октябрь күнү "Ала-Арча" көрүстөнүнө коюлган.

27-марттын жылнаамасы.

Автор: Гүлзат Мамытканова

08:00 27-03-2016

Жазылуу

РУБРИКАДАГЫ СОҢКУ КАБАРЛАР

23:51 2024-05-20 | Коом жана турмуш

Айтматов районунда үч кабаттуу милициянын имараты курула баштады 39 0

22:09 2024-05-20 | Коом жана турмуш

Бишкек мэри SusHi Tech Tokyo 2024 көргөзмөсүнө катышты 128 0

21:32 2024-05-20 | Маданият, шоу-бизнес

Курал Чокоев, ырчы: "Баарына эле жага бербейм, баарынын эле табити жакшы эмес" 376 0

21:24 2024-05-20 | Кылмыштар, кырсыктар

УКМК: Мурдагы мамлекеттик кызматкер кармалды 984 0

20:36 2024-05-20 | Кылмыштар, кырсыктар

УКМК Камчы Көлбаевдин уюшкан кылмыштуу тобун каржылоого шектүү жаранды кармады 919 0

20:02 2024-05-20 | Саясат

Садыр Жапаров Ирандын лидерине көңүл айтты 846 0

Архив

Комментарийлер (1)

Atai96

2016-03-27 09:09:49

Ош шаарынын жанындагы Кыргыз Чек деген айылга кардиологиялык оорукананы Мирсаит Миррахимов салдырган жана негиздеген азыр ал оорукана Кардиология боюнча Ош, Жалал Абад, Баткен областтары боюнча 1- орунда турат Мирсаит Миррахимовдой окшогон кыргыздын чыгаан азаматтары кобойо берсе мамлекетибизда онуго берет

Комментарий калтыруу үчүн өз ысымыңыз менен кириңиз же каттоодон өтүңүз.