Түркиянын премьер-министри кызматынан кетти

Түркиянын премьер-министри Ахмет Давутоглу кызматынан кеткенин 5-май күнү өткөргөн маалымат жыйынында жарыялады. Айрым маалыматтарга караганда, Давутоглунун кызматтан кетүүсүнө өлкө президенти Режеп Тайип Эрдоган менен болгон саясий тиреш түрткү болгон.

"Мындан кийин да өкмөт башчылыкка талапкер болбойм", - деп жооп берди ММК өкүлдөрүнө. Ошондой эле ал Түркиядагы башкаруучу "Адилеттүүлүк жана өнүгүү" партиясынын лидерлигинен да кете турганын айтты. Аталган партия 22-майда курултайга чогулуп, жаңы талапкерди алып чыкмакчы.

Автор: Акназар Сулайманкулов
Фото: Интернеттен алынган