Кыргыз Республикасынын айрым мыйзам актыларына өзгөртүүлөр киргизилди

Президент Алмазбек Атамбаев "КРнын айрым мыйзам актыларына («Салыктык эмес төлөмдөр жөнүндө», «Билим берүү жөнүндө» жана «Маданият жөнүндө» КРнын мыйзамдарына) өзгөртүүлөрдү киргизүү тууралуу» КРнын мыйзамына кол койду. Бул тууралуу президенттик аппараттан 1-июлда кабарлашты.

Мыйзам Жогорку Кеңеш тарабынан 2016-жылдын 18-майында кабыл алынган. Мыйзамдын максаты – аракеттеги мыйзам нормаларындагы карама-каршылыктарды жоюу.

2018-жылдын 1-январынан тарта күчүнө кире турган "Салыктык эмес төлөмдөр жөнүндө" жана "Маданият жөнүндө" мыйзамдарга киргизилген мамлекеттик маданият уюмдарынын материалдык-техникалык базасын ижарага берүүдөн алынган кирешелерди бөлүштүрүүгө байланышкан оңдоолорду албаганда, мыйзам расмий жарыялангандан 10 күндөн кийин күчүнө кирет.

Автор: Жамалидин Парманкулов