Алмазбек Атамбаев Казакстандын президентин туулган күнү менен куттуктады

Президент Алмазбек Атамбаев бүгүн, 6-июлда Казакстандын президенти Нурсултан Назарбаевди туулган күнү менен куттуктады.

"Кыргыз Республикасы менен Казакстан Республикасынын ортосундагы союздук мамилелерди жана стратегиялык өнөктөштүктү чыңдоо ишине кошкон сиздин салымыңыз кыргыз өлкөсүндө жогору бааланат. Кыргыз-казак өз ара пайдалуу кызматташуусунун бүтүндөй комплексин андан ары өнүктүрүү бир тууган эки элдин түпкү кызыкчылыктарына жооп берет деп терең ишенем", - деп айтылат мамлекет башчынын телеграммасында.

Алмазбек Атамбаев президент Назарбаевге чың ден соолук, бакубат турмуш жана мамлекеттик иштерине ийгиликтерди каалаганын президенттик аппараттан билдиришти.

Белгилей кетсек, Нурсултан Назарбаев бүгүн 76 жашка чыкты.

Автор: Автандил Добулбеков