Жыргалбек Саматовдун ордуна Жогорку Кеңешке депутат болуп Болотбек Ибраимжанов келери күтүлүүдө

Экс-депутат Жыргалбек Саматовдун мандаты Болотбек Ибраимжановго берилмекчи. Бул тууралуу SUPER.KG порталына "Республика-Ата Журт" фракциясынын катчылыгынан билдиришти. Маалым болгондой, партиянын тизмеси боюнча Б.Ибраимжанов кезекте турат.

Айта кетсек, бүгүн, 8-июлда Борбордук шайлоо комиссиясы "Жыргалбек Саматовдун кош жарандуулугу бар" деген негизде аны депутаттык мандатынан ажыратты.

Ибраимжанов Болотбек Сапарбаевич 1965-жылы туулган жана "Бажы инфраструктурасы" мамлекеттик ишканасынын башчысы болуп иштеген.

Автор: Нургазы Аматов