Айдаганга унаасы жок Асылбек Жээнбеков 1 жылда 2 миллион 158 312 сом киреше тапкан

Жогорку Кеңештин мурдагы төрагасы, депутат Асылбек Жээнбеков 1 жылда 2 миллион 158 312 сом киреше тапкан. Бул сумма анын 2015-жылга карата берген декларациясында көрсөтүлгөн.

Анын 2 айдоо жери, 2 имараты, 1 курулуп бүтө элек имараты жана бир үйү бар. Экс-төрага аталган мүлктөрүнүн аянтын көрсөткөн эмес. Андан сырткары 4 ишканада үлүшү бар болсо, анын үчөөсү курулуш ишканалары (47,6-19,1-33,3-91,52). Ошондой эле 1 аары чарбачылыгына 100 пайыз ээлик кылса, дагы 1 айыл чарбачылыгына 91,2 пайыз ээлик кылат. Унаасы жок.

Жакындары 348 023 сом иштеп табышкан. Алардын 1 үй, 1 курулуш имараты, 1 жер үлүшү бар.

Автор: Жамалидин Парманкулов