Камчы Көлбаев боюнча өтүп жаткан сотто жабырлануучу тарап "күбө жалган маалымат берди" деп нааразы болду

Бишкектин Биринчи Май райондук сотунда кримавторитет Камчы Көлбаев боюнча 2-соттук отурум өтүп жатат. Алгач күбө катары Арзымат Бурканов суралган болчу. Андан соң жабырлануучу тарап күбө жалган маалымат бергенин айтып чыкты. Алардын бири Бакыт Бекбоев буларды айтат:

"Арзымат Бурканов менин кудам болот. Камчы Көлбаевдин энеси менин тууганым. 2005-жылы мен Алматыда болчумун, өзүмдүн курулуш ишканам бар эле. 2007-жылы Медер Кожакметов менен Арзымат Бурканов экөө сүйлөшүп алышып, мага тиешелүү мүлктү алдап өздөрүнө тартып алышкан. 2008-жылы Бурканов 4 унаамды, Кожакметов 2 унаамды алган. Бурканов эми Германияга качып кеткени жатат, муну кармап, жоопко тартпасаңар ал кетет. Анын бүгүнкү сот ишинде айткандарынын баары жалган”.

Автор: Мээрим Жеңишбек кызы