SUPER.KG порталында келерки жылы өтүүчү президенттик шайлоого карата сурамжылоонун кийинки айлампасы старт алды. Бул ирет тизмеге Турсунбек Акун кошулду. Өткөн аптада Кыргызстан демократиялык кыймылы Турсунбек Акунду президенттикке талапкер кылып чыгаруу чечимин кабыл алган.
Сурамжылоонун 12-декабрдан 26-декабрга чейинки айлампасында алдынкы бештикте мурункулардан өзгөрүү байкалган жок. Алдыда Адахан Мадумаров, Өмүрбек Бабанов, Чубак Жалилов, Өмүрбек Текебаев келе жатат. Камчыбек Ташиев менен мурунку премьер-министр Темир Сариевди колдогондор акырындап көбөйүп баратканы көрүнөт. Кийинки президенттик шайлоого талапкер болушу мүмкүн делген бийлик командасынын өкүлдөрү Чыныбай Турсунбеков, Иса Өмүркулов жана Асылбек Жээнбековго SUPER.KG порталынын окурмандары ишеним артышкан жок. 1 пайызга жетпеген добуш алганы үчүн бул үчөө жаңы тизмеге кошулган жок. Урматтуу окурман, добуш берүү бөлүмүнө өтүү үчүн шилтемени басыңыз.
Эскертүү! Сурамжылоо ар 2 апта сайын жаңыланат. Кийинки жаңылануу 9-январда саат 12:00дө болот. Жаңылануу болгон сайын тизме өзгөрүшү мүмкүн.