Өмүрбек Текебаевди колдоо үчүн Бишкекке Ысык-Көл облусунан 300дөй адам келет. Бул тууралуу бүгүн, 26-февралда SUPER.KG порталына "Ата Мекен" партиясынын Ысык-Көл облусундагы координатору Октябрь Абдрахманов билдирди.
Анын айтымында, бүгүн эртең менен да бир канча адам Бишкекке кетишкен.
"Ысык-Көл облусунан жалпы 300гө жакын адам Өмүрбек Текебаевди колдоо үчүн эртең Бишкекке барышат. Биз Текебаевди үй камагына чыгарууну жана саясий куугунтукту токтотууну талап кылабыз", - дейт Абдрахманов.