Базар-Коргон районунда Өмүрбек Текебаевди колдоп чыккан митингчилер Ош-Бишкек жолун тосууга аракеттенүүдө. Бул тууралуу бүгүн, 27-февралда SUPER.KG порталына "Ата Мекен" партиясынын Базар-Коргон районундагы координатору Бакыт Көчөров билдирди.
"Учурда митингге чыккан 300дөй адам Ош-Бишкек жолун тосууга бара жатышат. 15 мүнөт аралыгында жол тосулат", - дейт Көчөров.
Ал эми Жалал-Абад облустук ички иштер башкармалыгынын басма сөз кызматы учурда жол ачык экенин билдирди.
"Митингге чыккандар жол тосуу аракетин көрүп, жалпы элди атайын чакырыктарды жасашты. Бирок милиция кызматы тарабынан түшүндүрүү иштерин жүргүзүлдү. Учурда Ош-Бишкек жолу ачык. Жүргүнчүлөр каттап жатышат", - дейт Жалал-Абад ОИИБинин басма сөз катчысы Мыктыбек Турдубеков.