Дүйнөдө эң чоң динозаврдын сөөгүнүн калдыктары табылды

Аргентинозаврдын сөөгү

Аргентинозавр

Титанозавр

Жаңы динозаврдын сөөктөрүнүн калдыктары

Аргентинанын Патагония аймагында динозаврдын сөөгүнүн калдыктары табылды. Окумуштуулар титанозаврдын жаңы түрүн табышканын, ал динозаврлардын эң чоңу болушу мүмкүн экенин айтышканын чет элдик басылмалар жазып чыгышты.

Маалыматтарга ылайык, калдыктарды жергиликтүү фермер таап алган. Анын сан сөөгүнүн чоңдугунан улам туурасы 40, бою 20 метрге жеткенин айтышкан палеонтологдор. Ал чөп жеген, салмагы 77 тоннадай болгон. Бул салмак азыркыга чейин эң чоң деп эсептелинген аргентинозаврдыкынан 7 тоннага көп.

Трелью шаарынын палеонтологиялык музейинин окумуштуулары жерине барган соң 7 динозаврдын жакшы сакталган 150 сөөгүн табышкан. Алар патагониялык токойлордо 95-100 миллион жыл мурун жашашкан. Жаңы динозаврга азырынча аталыш бериле элек.

Автор: Үмүт Абдраимова
Фото: Интернеттен алынды