Бишкекте "Ал Халал" компаниясы адал колбаса өндүрүү ишин кызуу жүргүзүүдө
Бишкекте "Ал Халал" компаниясы адал колбаса өндүрүү ишин кызуу жүргүзүүдө. Бүгүн аталган компания алгачкы жолу ачык эшиктер күнүн өткөрдү. Ага Муфтийдин орун басары Жоробай Шергазиев, "Адал" индустриясынын өнүктүрүү борборунун жетекчиси Мыктыбек Арстанбек жана сатып алуучулар, ошондой эле ишкерлер катышты.
Иш-чаранын жүрүшүндө "Ал Халал" компаниясы келген конокторго жана жалпыга маалымдоо каражаттары аркылуу бүтүндөй коомчулукка колбасанын даярдалышын көрсөттү.
"Биз тиешелүү кызматтардан атайын халал сертификатын алган бирден бир компаниялардын бирибиз. Өндүрүлүп жаткан колбасанын кандай даярдалышы, кантип ышталары, айтор баары коомчулукка ачык болсун деген максатта ачык эшиктер күнүн уюштурганбыз. Компания Европадан алып келинген акыркы үлгүдөгү жабдуулардын жардамы менен иш жүргүзөт. Айта кетсек, колбаса даяр болгондон кийин атайын таңгактоо иши жүрөт. Мында заманбап жабдуу менен таңгакталат. Бул жабдуунун саатына 300 килограмм колбасаны таңгактоо мүмкүнчүлүгү бар", - деп билдирди "Ал Халал" компаниясынын башкы технологу Нурлан Дүйшөналиев.
"Ал Халал" компаниясы 2012-жылдын март айынан бери ишмердүүлүгүн жүргүзүп келет. Учурда бул ишкана колбасанын 80ден ашуун түрүн өндүрөт. Алардын ичинен ышталган колбасанын 26 түрү, кайнатылган колбасанын 25 түрү ал эми чүйгүн эт азыктарынан 29 түрүн өндүрөт. Күн сайын 700 килограмм эт ишканага алып келинип, адистердин жардамы менен эт сөөгүнөн ажыратылып алынат. Андан соң атайын майдалоочу жабдууга салынат. Майдаланып чыккан эт дагы бир жабдуунун жардамы менен туздалып, башка даам берүүчү кошулмалар аралаштырылат. Андан соң атайын сосиска, колбаса болуп бир нече түргө бөлүнүп куюлуп, бышыруу үчүн мешке салынат. Жалпысынан 2 саат 20 мүнөттүн аралыгында кургатуу, ыштоо, кайнатуу жана бышыруу иштери аткарылат. Андан соң +4 градустагы муздаткычка киргизилип, бир күндөн кийин сатыкка чыгат.
"Биз бул "Ал Халал" компаниясы менен келишимдин негизинде 5 жылдан бери иштешебиз. "Адал" индустриясы өнүктүрүү борбору компаниядагы эттин адалдыгын тастыктап беребиз. Эң негизгиси бул компания коомго ачык чыгып каалаган адам келип көрсүн, биз колбасаны адал даярдайбыз деп бүтүндөй коомчулукка көргөзүп жатат. Мен азыр аткарылып жаткан ишти көрүп, чын эле адал жасалып жатканына дагы бир жолу ишендим. Ошол эле учурда жалпы элге биз тараптан адал деп тастыкталган колбасадан сатып алгыла деп сунуштайм", - деди "Адал" индустриясынын өнүктүрүү борборунун жетекчиси Мыктыбек Арстанбек.
кошулду
"Ал Халал" компаниясынын колбасалары - адал азыктарын сүйүүчүлөр үчүн
Аты эле адал,бугун ачык коргозду эртен эмненин этин кошконун ким карап отурат дейсинер.Кудай ынсап бербесе азыр ишенич кыйын соодагерлерге.
Жанагы фаст фудга кеткен арзан фарш эттер бут адал экени кумон жаратат .Аламединде арзан 130сомдук фарштан жасалгандай эле ич эт баш эт аралашкан эттерди тартып сата беришет сыр бербей.
+3
Adil706070
2017-09-26 20:02:51
Анан дагы жалан эттен жасалбайт колбасаларга соядан кошушат,окорачканын соокторунон тартып кошушат ж б коптогон нерселерди.анан кантип 100%кепилдик берип сатышат тооба кыласын
+2
zamirbekorozalimovkg
2017-09-26 20:22:01
Урматту мекендештер мен казакстанда колбасныйда 5 жыл иштедим таза жазадык анан бул бишкектин колбасаларына такыр тушуно албай койдум дамы жок анан жалан ет менен жазайбыз дейт. Азыр базарда еттин кг 300сом дон анан калбаса андан арзан. Расходунда жабалбай жатпайбы анан елестеткиле кандай ет менен жазаганын
+2
GENTLEMEN
2017-09-26 22:49:01
zamirbekorozalimovkg, Эмне деген фирмада иштейсин? же чыгарган колбасанардын аты эмне?.
+1
Hadyja
2017-09-26 20:29:42
Ишендим,адал экенине.Иштерине ийгилик!!!Кыргыз эли онугуп,осконго бул да болсо салым
-1
bosmos77777
2017-09-26 21:26:38
Жалган! Кыргыздар эттен бирдеме жасоо учун атайын малдарды текшеруучу жайлардан, мал дарыгерлердин тастыктоочуу, тактама кагаздары керек болот. Кыргыз мамлекетинде атайын мындай жайлар жокко эссе.Керек болсо, айыл аймактарда мал дарыгерлери жок. Жарандар Оздору билип,эптемей жол менен дарылашат. Болбой баратса сатат. Же эттин айылга таратат.Айыл албаса коруп турганыздай.Эттен бирдеме жасоочу жайларга, касаптарга,арзан баада баалап беришет.
+1
bosmos77777
2017-09-26 21:32:56
Азыр Кыргыз мамлекетинде ЖОЖдордо малды дарылоо,кароо боюнча окуутуу иштери эн томон. Мындай айтканда кесиптик жактан билими томон. Бажы биримдигине киргенде.Атайын кампалар жана эт сатууга ылайыктуу текшеруулчу(лабораториялык)жайларды курууга.Окмот каражат алып. Аны Москвадагы жеке ишкер Агаларовдун ишканасына которуп. Ошол каалаган жерине курат дегендей тааризде калды. Кыргыздардын бул тармакты Оз колуна алып.Озуно кам кормойунчо.Бул кошулмалары коп.Тамакты жееш туура эмес!
0
Комментарий калтыруу үчүн өз ысымыңыз менен кириңиз же каттоодон өтүңүз.
