"Республика-Ата Журттан" Нургазы Нишанов депутаттыктан кеткени жатат. Сапар Исаков аны кызматка дайындады

Жогорку Кеңештин депутаты Нургазы Нишанов Өнөр жай, энергетика жана жер казынасын пайдалануу мамлекеттик комитетинин алдындагы "Кыргызжылуулукэнерго" ишканасынын башкы директору болуп дайындалды. Тийиштүү буйрукка өкмөт башчы Сапар Исаков бүгүн, 4-октябрда кол койгонун өкмөттүк аппараттан кабарлашты.

Нургазы Нишанов 2015-жылы 32 жашында Жогорку Кеңешке "Республика-Ата Журт" партиясынын тизмеси менен депутат болуп келген. Бүгүн Борбордук шайлоо комиссиясы анын депутаттык ыйгарым укуктарын мөөнөтүнөн мурун токтотуу боюнча арызын карамакчы.