Тажик президенти Эмомали Рахмон Тажикстандагы Дангара кыштагында төрөлгөн. Орто мектепти аяктаган соң Коргонтөбөдөгү май куюучу заводдо электрик болуп иштеген. Кесиби боюнча экономист.
Болочоктогу президент 1976-жылдан баштап өзүнүн саясий карьерасын ишеничтүү түрдө баштаган. 1982-жылы ал башкармалыктын катчысы болуп эмгектенип ал кездеги профкомдун башчысына чейин көтөрүлгөн. 1990-жылы Тажикстан ССРинин Жогорку Кеңешинин депутаты болуп шайланган.
Ал эми 1994-жылдын 6-ноябрында Тажикстандын президенти болуп шайланган. 2006-жылы болгон шайлоодо калктын 73 пайыз добушуна ээ болуп, төртүнчү жолу президенттик орунду ээлеген. Эмомали Рахмон 2007-жылы тажик элин фамилиядан “ов” уңгусун алып таштоого чакырган жана өзү биринчилерден болуп бул кадамга барган. Президенттик кызматка келгенде “Тажикстанда дин саясаттын тышында болот” деп билдирген.
Президент жубайы менен биргеликте 9 баланы тарбиялап өстүрүшкөн. Жети кыз, эки уулдун атасы. Дээрлик бардык балдары саясий кызматтарды ээлейт.
5-октябрдын жылнаамасы.