Маркум Темир Жумакадыровдун сөөгү дүйшөмбү күнү, 9-октябрда жерге берилет. Бул тууралуу SUPER.KG'ге өкмөттүн басма сөз кызматынын жетекчиси Гүлнара Төралиева кабарлады.
Маалым болгондой, маркум менен коштошуу зыйнаты эртең мененки саат 9:00дө Т.Абдумомунов атындагы Кыргыз улуттук академиялык драма театрынын алдында өтөт. Андан кийин маркумдун сөөгү "Ала-Арча" көрүстөнүнө коюлат.
Айта кетсек, бүгүн, 7-октябрда вице-премьер-министр Темир Жумакадыров, анын жардамчысы жана айдоочусу Талас облусуна иш сапары менен бара жатып, Бишкек-Кара-Балта унаа жолунда жол кырсыгына кабылып каза болушкан. Жумакадыров ушул жылдын 4-августунда 38 жашка толгон. Маркумдун артында 3 кызы калды.