Бүгүн, 9-октябрда вице-премьер-министр Темир Жумакадыровду акыркы сапарга узатуу зыйнаты өтүп, анын сөөгү "Ала-Арча" көрүстөнүнө жерге берилди. Маркумга багышталып куран окулуп, гүлчамбар коюлду. Ал жерге өкмөт өкүлдөрү, Жогорку Кеңештин депутаттары, коомдук ишмерлер барышты.
Эске салсак, 7-октябрда 38 жаш курагында Талас облусуна кезектеги кызматтык иш сапары менен бара жатканда жол кырсыгынан улам Кыргыз Республикасынын вице-премьер-министри Темир Жумакадыров каза болгон. Аны менен кошо жардамчысы жана айдоочусу каза болушкан. Маркумдун артында 3 кызы калды.