ИИМ: "Милиция кызматкерлери ырчы Клара Алибековага жардам көрсөтпөстөн унаадан түшүрүп салган факт тастыкталган жок"
Эстрада ырчысы Клара Алибекованы видеого тартып, интернетке таратып жиберген милиция кызматкерлеринин үстүнөн кызматтык иликтөө жүрөт. Мындай маалыматты бүгүн, 10-октябрда ИИМдин басма сөз кызматы билдирди. Буга чейин Бишкек ШИИББинин маалымат кызматына байланышканыбызда, К.Алибековадан арыз келип түшкөндүгүн тастыктаган. Белгилүү болгондой, укук коргоо органдарынан Клара Алибекованы зордуктоого аракет жасап, муунтуп, артынан кууган адамдарды издөө иштери жүрүп жатканы кабарланган.
Эске сала кетсек, буга чейин интернетке "Клара Алибековага ким кол салды?" деген аталыштагы видео тараган. Видеодон ырчы Клара Алибекованын укук коргоо органдарына ага кол салуу болгондугун айтып берип жатканын көрүүгө болот. Бирок милиция кызматкерлеринин бири ырчыга "Крышаң кетип калган жок беле?" деген суроо узатып, анын айткандарына кайдыгер мамиле жасаганы тартылган.
Окуя тууралуу ырчы SUPER.KG порталына ушул жылдын 27-сентябрь күнү кечинде дүкөндөн келе жаткан мезгилде ага мас абалдагы белгисиз адам кол салып, зордуктоого аракет жасаганын айтып берген. Ошондой эле ал жардам сурап милиция кызматкерлерине кайрылганда, шылдыңга алышып, түн ичинде жолдун боюна унаадан түртүп түшүрүп коюшканын айткан.
Мындан улам коомчулукта жана интернет айдыңында кызуу талкуу жаралып, милиция кызматкерлеринин мамилеси кескин сынга алынган.
"Окуядан кийин ИИМдин Ички иликтөө кызматы кызматтык иликтөө жүргүзө баштаган. Анын жыйынтыгында Бишкек ШИИББинин Патрулдук милициясынын 3 кызматкери аталган окуяга шектүү катары аныкталышкан. Алгачкы иликтөөнүн жыйынтыгында белгилүү болгондой, милиция кызматкерлери Алибековага жардам көрсөтпөстөн унаадан түшүрүп салгандыгы тууралуу факт аныкталган эмес. Ошондой эле ошол түнү Алибекова менен бирге көчөдө жүргөн адам кармалып, суракка алынган. Муну менен катар арыз ээсинин артынан кууп, зордуктоого аракет жасады деген маалымат да тастыкталган жок.
Кызматтык иликтөөнүн жыйынтыгында, 3 Патрулдук милициянын кызматкерлери дисциплиналык тартиптин негизинде жоопко тартылышты. Окуя боюнча чогултулган материалдын баары юридикалык баа берүү максатында тергөө органдарына өткөрүлүп берилди. Мындан аркы маселелер тергөө органдарынын чыгарган жыйынтыгына жараша чечилмекчи", - деп маалымдашты ИИМдин басма сөз кызматынан.
ХХХХ менин жеке оюум. карапайым адамдарга зокон иштебейт. Клара сени биз жакшы коробуз!
+5
admin_superstan
2017-10-11 10:33:09
Imran2013,далилсиз маалыматтарды жазууга тыюу салынган. Эскертүү!
-1
xnurgul_gul
2017-10-11 03:35:27
Ушинтип иштегенден коро ХХХХ чынын айтсам Кыргызстан да жашагандан корком
+5
jon.as
2017-10-11 05:01:41
Качан эле милиция кызматкерлери куноолу болчу эле...? Алар суудан кургак чыгышат. Кларанын жумшактыгын пайдаланышканда ХХХХ
+4
zhykyo
2017-10-11 07:58:41
Клара биз сени жакшы коробуз
+3
barsbegKG
2017-10-11 08:12:37
Тастыкталган жок??? Ха ха ха ХХХХ. ИИМдин болгону ушул болсо эл арыз муңун кимге айтат. Видео далил эмеспи??? Иим министрине наалат. Оңбой калгыла. Жашоо бумеранг.
+6
Ali80
2017-10-11 08:35:45
Ой кыргыздын ырчы чоорчулары эмнеге башынарды кумга катып отурасынар Кларага жардам берсенер боло, бул эмне деген наадандык.Ушундай адилетсиздикти коруп туруп кантип чыдап отурасынар, Айчурок Иманалиева, Гулнур Сатылганова, Эркин Мукашев, Ырыскелди Осмонкулов ж.б.кичине жок дегенде пресс-конференция откоруп адилетуулуко чакырып койсонор боло. Бакиевдин заманы кайра келе жатат окшойт.Соке келсе точно келет.
+7
jbolotov
2017-10-11 09:37:54
Шок! Мына сага Кыргыз закондору. Видеодо корунуп турат, кызды шылдындап атышканы. Ошол маалда оперативдуу иштерди жургузбогону учун озунчо, шылдындаганы учун озунчо иш каралат элего? Прокуратурага жаз эми
+3
admin_superstan
2017-10-11 10:52:33
luuntik, провокация үчүн 3 күнгө БАН!
0
zzari-83
2017-10-11 11:58:31
Апеей,бул эмнеси?Далил турса тастыкталбаганы неси?интернеттен башка бирөө жарым бийлике каршы сүйлөп койсо ошол замат табышат да,ушул тарткан менттерди таппай калышыптырбы?УЯТ,УЯТ,УЯТ.Биз не 2жашар жаш балабызбы. Кыскасы сөз жок!!!!
+1
ruslanz
2017-10-11 13:21:04
Видеого тартып, интернетке жуктогону, берген ынгайсыз суроолору даана эле корунуп турбайбы. "Карга карганын козун чукубайт" болуп жатышат. Ушундайдан анан С.Ж-ны шайлагым келбей кетет.
+1
DUNI
2017-10-11 13:22:08
Алтынай Жайнакова ажап кылган экен.
+2
JaneEr
2017-10-11 13:41:30
Деги эле органда иштегендер копкон.Жадагалса сот аткаруучу кызымын алиментинен 10 мин сом алып калган не за что.Колунан эч нерсе келбейт деп.Баары озубуздун колдо деп.Соттордон да менттерден да тунулдум шумшуктор.
+1
sanzhar83
2017-10-11 13:59:31
Иий кудай тастыкталган жок дейт,видеодо бар туш деген жери даанале угулган го.Бети жок акмактар.
+1
demo009
2017-10-11 19:01:33
Ырчылар чогулуп бир жыйын өткөргүлө,Клара эжени сыйласаңар.
0
Nurik1234
2017-10-12 00:05:30
Ооо кудай милиция менен доктурларга кунубузду тушуро корбо
0
Комментарий калтыруу үчүн өз ысымыңыз менен кириңиз же каттоодон өтүңүз.
