реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
super.kg logo

Дарыгер: "31 жаштагы келиндин төрөттөн каза болушуна ким күнөөлүү экени экспертизадан кийин билинет"

 

Чаткал районунун 31 жаштагы Жылдыз Төрөбекова аттуу тургуну Ала-Бука райондук ооруканада операция жолу менен төрөп, бирок каза болуп калганын жана ага дарыгерлер күнөөлүү экенин маркумдун жакындары SUPER.KG'ге билдиришкен.

Бүгүн аталган оорукананын директору Жыргалбек Осмоналиев менен байланышып анын пикирин уктук.

"Каза болуп калган келин буга чейинки 2 уул, 1 кызын биздин ооруканадан жакшынакай эле төрөп кеткен. Бирок бул ирет Чаткал районундагы оорукананын төрөт бөлүмүнө кайрылганда алар биздин ооруканага жиберип салышыптыр. Райондук оорукана өзүнүн аймагындагы адамды экинчи районго жиберүүгө болбойт. Бул боюнча атайын буйрук бар. Ал эми каза болгон келиндин жакындары "Ала-Бука райондук оорукананын дарыгерлери операцияны туура эмес жасап, бөйрөктөн келген трубалар менен табарсыкты жарып коюшуптур" деп күнөөнүү бизге артууда.

Албетте, адам каза болуп жатса күнөөлүү эмеспиз деп да айта албайбыз. Азыр бүт дарыгерлер өзүбүздү күнөөлүү кишидей сезип жатабыз. Бирок буга ким күнөөлүү экендигине экспертизанын жыйынтыгы чекит коёт. Операция кылган дарыгер деле 4 баланын энесин өлтүрүүнү каалабайт да", - деди Осмоналиев.

Ал эми Медициналык жардамды уюштуруу жана дары саясат башкармалыгынын башкы адиси Раиса Асылбашева учурда бул окуя боюнча атайын комиссия түзүлүп, иш териштирилип жатканын кабарлады. "Бул маселе көңүл сыртында калбайт, күнөөлүү тарап аныкталса чара көрүлөт", - деди Асылбашева.



 
 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
 Рубрикадагы соңку кабарлар 
Комментарийлер(2)
12.10.2017. 15:49 
Тайпасы:
Жаран
Комментарийлердин саны:
23
Катталган:
30-08-2013
Соӊку аракети:
22-10-2017 18:43
Жынысы:
Белгисиз
+8
Озу баланча жери ооруп журчу экен анан дарыгерлерге корунбой журо бериптир деп экспертизасы ошентип жазып берет го, милициясы шылдындаса, депутаты согуп атса ашатып аял башы менен, педофилдер кобоюп, бул эмне деген бийлик.? Шайлоо куну балдарым менен эле уйдо отурганым жакшы, баарибир ушул эле бийлик калат, ХХХХ!
Модератор admin_superstan түзөттү 2017-10-12 16:12:53
13.10.2017. 06:18 
Тайпасы:
Жаран
Комментарийлердин саны:
62
Катталган:
04-04-2015
Соӊку аракети:
23-10-2017 07:41
Жынысы:
Белгисиз
Калаасы:
Бишкек
0
Качан эле врачтар куноосун моюндарына алышчуу эле...???
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарга кирди:

Кабарлардын саны:
96077;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,037667989730835