Президенттикке талапкер Адахан Мадумаров Бишкектеги №1211-шайлоо тилкесинен добуш берди. Шайлоо тилкесине ал уулу менен келип техникалык мүчүлүштүктөргө кабылган жок.
Талапкер добуш берүү тилкесинен чыккандан кийин журналисттердин суроолоруна жооп берди. Мадумаров шайлоодо жеңишке жетишүүгө толук ишенерин айтып, эгерде утулуп калса элдин талабына жараша кадамдарга барарын белгиледи. "Буга чейин билесиздер, үч ирет колубузда турган жеңишти алдырып жибергенбиз. Бул ирет эл кандай талап койсо, ошондой аракеттерге барам", - деди Мадумаров.
Ал эми экинчи тур орун алчу болсо экинчи турдагы талапкерлердин бири болорун кошумчалады.