Өзгөндө 20 жаштагы айдоочу унаасы менен окуучу кызды сүзүп алды. Бул тууралуу бүгүн, 20-октябрда Ош ОИИБи боюнча Патрулдук милиция бөлүмүнөн билдиришти.
Маалыматка караганда, жол кырсыгы 19-октябрь күнү Өзгөн районунун Кароол айыл аймагында болгон. Анда 1997-жылы туулган айдоочу Тойота Авесис үлгүсүндөгү унаасы менен Өзгөндөн Ошко бараткан жолдо Куршаб айылынын тургуну 12 жашар кызды сүзүп алган.
"Жабырлануучу кырсык болгон жерден каза болгон. Айдоочунун айтымында, кыз жолго чуркап чыга калган. Мындан улам ал тормоз тепкенге жетишкен эмес. Учурда ал убактылуу кармоочу жайга киргизилип, тергөө амалдары жүрүп жатат", - деп билдиришти Патрулдук милиция бөлүмүнөн.