Президенттик шайлоо: 4 шайлоо участкасында добуш берүүнүн жыйынтыктары жокко чыкты (протокол)

Жалал-Абад облусунун Сузак районунун 4 шайлоо тилкесинде 1047 бюллетень биометрика менен добуш бергендердин санынан ашыкча чыкты. Бул айырмачылыкты "Демократия жана жарандык коом үчүн коалициясы" уюму аныктап, аймактык шайлоо комиссиясына билдирди.

"Биздин байкоочулар 4 шайлоо участкасында мыйзам бузуулар боюнча билдирген. Сузактагы Барпы айылдык кеңешинин аймагындагы №2120-участкасында Мамлекеттик каттоо кызматы добуш берүүгө катышкандардын санын 850 деп каттаган. Ал эми аймактык шайлоо комиссиясы шайлоого катышкандардын саны 1427 болгонун айткан. Натыйжада 577 добуштан айырма чыгып калган.

Ушундай эле абал №2120-шайлоо участкасында катталып, Мамкаттоонун жыйынтыгы боюнча добуш бергендердин саны 510 деп көрсөтүп, шайлоо комиссиясынын маалыматы 778ди түзүп ортодогу айырмачылык 268 бюллетенди түзгөн.

Ал эми №2118-шайлоо участкасында бюллетендер менен добуш бергендердин ортосундагы айырма 117ни түзсө, Сузактагы Атабеков айылдык кеңешинде №2126-шайлоо участкасында 85 бюллетень ашыкча чыккан", - деди аталган уюмдун Жалал-Абаддагы аймактык координатору Уулкан Иранова.

Сузак аймактык шайлоо комиссиясынын төрагасы Мухтар Кыргызбаев бул маселе боюнча төмөнкүнү айтты.

"Бул кайрылууларга ылайык, аймактык шайлоо комиссиясы 19-октябрда отурумга чогулуп, 107 шайлоо участкаларында добуш берүү болгонун белгилеп, жогорудагы одоно мыйзам бузулган 4 шайлоо участкасынын жыйынтыктарын жокко чыгаруу боюнча чечим кабыл алган. Мындан тышкары мыйзам бузулушуна жол берген 4 шайлоо комиссиясынын мүчөлөрүн таратып, аларга карата укуктук баа берүү үчүн тиешелүү укук коргоо органдарына материалдарды өткөрүп берүүнү да чечкен", - деди Кыргызбаев.

БШКнын мүчөсү Атыр Абдрахматова бул шайлоо мыйзамдарын одоно бузуу экенин белгилеп, БШК аймактык шайлоо комиссиясынын чечимин жалпы жыйынтык чыгарган учурда карай турганын айтты.

"Участкада идентификация өткөн адамдардын саны жалпы урнадан чыккан бюллетендерге тең келиши керек. Эгерде идентификациядан өткөн шайлоочулардын саны урнадагы бюллетенден аз болсо, анда урнага же бюллетендерди санаган маалда шайлоо комиссия мыйзамсыз бюллетендерди кошуп койгон. Мурда эсиңерде болсо, мындай көрүнүш "бюллетендерди таштоо" деп аталчу. Эгерде участкада ушуга окшогон мыйзам бузуулар болсо, аймактык шайлоо комиссиясы жыйынтыктарды жокко чыгарганга укугу бар. Биз мындай учурларды жалпы жыйынтык чыгарганда карайбыз", - деди Абдрахматова.

12:17 20-10-2017

Автор: Мунарбек Жоргомов

Жазылуу

РУБРИКАДАГЫ СОҢКУ КАБАРЛАР

19:33 2024-04-25 | Саясат

Жапаров менен Алиев Физули жана Агдам шаарларын өнүктүрүүнүн башкы планы менен таанышты 98 0

18:41 2024-04-25 | Саясат

Ысык-Көл округунан шайланган депутат Максатбек Сарбагышев мандатын тапшырды 554 0

18:24 2024-04-25 | Саясат

Бир катар аким жана орун басарлары кызматтан алына турганы маалым болду 639 0

18:00 2024-04-25 | Кылмыштар, кырсыктар

Жабырлануучу 3 унаасын алмашып ийген. Бишкекте алдамчылыкка шектүү кармалды 484 0

17:33 2024-04-25 | Маданият, шоу-бизнес

Ошто 3 миң окуучунун катышуусунда "Манас" айтылды 356 0

17:23 2024-04-25 | Коом жана турмуш

Өлкөнүн бир канча жерлеринде жол оңдоо жумуштары кызуу жүрүүдө 262 0

Архив

Комментарийлер (8)

dina

2017-10-20 12:47:11

Мына таза шайлоо)

Ma9

2017-10-20 12:58:53

бардык шаарда эле таза шайлоо болгон жок барын текшерсенер ушундай чыгат

Nazic

2017-10-20 13:01:37

Сокеге кошкон да добушту, двгы башка аймактарда мындай одоно мыйзам бузуулар канчалап катталганын айтпасанар да билип отурабыз, эми калган участоктор батыраак текшерип катанарды жапкыла

jbolotov

2017-10-20 13:11:31

Карап текшербей эле коюшсунда, баарыбир жасалма. Жээнбековду шацлоонун эртеси куну эле Путин куттуктаганы президент болдун баарыбир дегенида.

Jelezo

2017-10-20 14:29:35

Ант бергенде эгерде мызам бузуу менен откон болсом алты жылга жетбей камалып турмодо чирийин десин,балдарымын кунун корбой калайын деген создор менен айтылса туура болмок

econom313

2017-10-20 14:52:39

Чечимдерди "о, у" менен эмес, "ө, ү" тамгалары менен жазышса жакшы болмок экен.

almanbetperm

2017-10-20 15:24:41

Как говорится для формальности,а так

Patriot7

2017-10-20 19:09:00

Бул ишке Ташиевдин туздон-туз тиешеси бар деп ойлойм. Анткени жогорудагы 3 участок Барпыда, бироо коншу ацыл окмотто жайгашкан... Элибизде борк ал десе баш алган деген кеп бар... Жээнбеков Ташиевге бир "кресло" убада кылып, суйунгон Ташиев аша чаап кеткенби деп ойлойт экенсин...

Эми Ташиевдин туздон-туз тиешеси болгонун далилдоо кыйын, бирок Барпыда Ташиевди угуп, айтканын кылган жасоолдору толтура...

Комментарий калтыруу үчүн өз ысымыңыз менен кириңиз же каттоодон өтүңүз.