Бишкекте жаштар эс алуу багы оңдоп-түзөөдөн өткөрүлүүдө. Бул тууралуу бүгүн, 20-октябрда Бишкек шаардык мэриянын басма сөз кызматынан билдиришти.
Маалыматка ылайык, учурда эс алуу бакта казуу иштери аяктады. Бүгүнкү күндө таман таш орнотуу жана лотокторду алмаштыруу иштери жүргүзүлүүдө. Аткарылып жаткан иштердин жүрүшү менен Биринчи Май районунун акими Аскербек Алиев таанышып, аба ырайынын жаан-чачындуу мезгилине чейин ишти тездетүү тапшырмасын берди.
Борбор калаада жайгашкан жаштар эс алуу багы 5 гектар аянтты ээлейт. Мында 30дан ашуун дарактын түрү бар.