SUPER.KG порталынын түз эфиринин кезектеги коногу - шаңдуу да, кайгылуу да ырларды ийинине жеткире аткарган ырчы Роза Шакирова.
Ал бүгүн саат 15:00дө порталдын түз эфиринде конокто болуп, кенен маек берет.
"Үйлөнүү той", "Ашыгым", "Таппай жүрөм" жана башка ырлары менен музыка сүйүүчүлөрдүн көңүлүнөн орун алган ырчы айымдын чыгармачылыгы, жеке жашоосу, алдыдагы пландары деги эле ырчы жөнүндө сизди кызыктырган суроолорду жөнөтүңүз. Жообун түз эфир жүрүп жатканда Роза айымдын өзүнөн угасыз. Жөнөтүлгөн суроолордун арасынан оригиналдуу, кызыктуу делген суроо ээсине белек ыйгарылат.
Эскерте кетсек, жиберилген суроолор редакция тарабынан иргелет. Мааниси окшош, кайталанма суроолор эфирге чыгарылбайт.
Суроолор +996 557 75 63 63 WhatsApp номери аркылуу кабыл алынат. Ошондой эле түз эфир жүрүп жаткан учурда "Соңку кабар" аркылуу комментарий жазып дагы жооп алсаңыздар болот.