Бишкек шаарында электр энергиядан карызы бар 1800 абоненттин жарыгы өчүрүлдү. Бул тууралуу бүгүн "Түндүк электр" ишканасынын басма сөз кызматынан билдиришти.
"Бүгүн, 20-октябрда Бишкек шаарындагы өз маалында төлөм жүргүзбөгөн 1 800 абоненттердин электр жарыгы өчүрүлдү. Алардын карыздарынын суммасы 8,5 миллион сомго жеткен. Эгерде төлөм толук жүргүзүлгөндүгү тууралуу маалымат базага түшсө электр жарыгы кайрадан кошулат", - деп билдирди басма сөз кызматы.
Маалыматка ылайык, Бишкек шаарында жеке турак үйлөрдө жашаган 235 миң абонент бар.