Франциялык "ПСЖ" футболдук клубунун чабуулчусу Килиан Мбаппе 2017-жылдын мыкты жаш футболчусу аталды. Бул тууралуу чет элдик басылмалар маалымдайт.
Маалыматка ылайык, 18 жаштагы Килиан Мбаппе "Golden Boy" сыйлыгына ээ болду. Мурунку сезондо франциялык чабуулчу "Монако" клубу менен 44 оюнга катышып 26 гол киргизген.
Мбаппеден тышкары аталган сыйлыкка 25 футболчу ат салышкан. Финалдык этапка Килиан Мбаппе, Габриэл Жесус жана Усман Дембеле өткөн.
Маалымдай кетсек, Килиан Мбаппе жайкы трансферлер сезонунда "ПСЖ" клубуна ижарага өткөн. Келишим боюнча "ПСЖ" 1 жылдан кийин Мбаппени 180 миллион еврого сатып алат.